Reshjet e borës përfshiu pjesën më të madhe të Kroacisë gjatë natës, duke krijuar kushte të vështira udhëtimi dhe duke nxitur paralajmërime nga meteorologët dhe autoritetet rrugore
Bora që mbuloi pjesë të Kroacisë sot ka krijuar gjithashtu probleme të mëdha, raporton Index.hr.
Autostrada A1 është e mbyllur për të gjithë trafikun midis kryqëzimeve të Sveti Rok dhe Posedarje.
Përveç rrugëve që janë mbyllur, edhe një alarm i kuq për motin është lëshuar për rajonin e Rijekës.
Komedia “Një dorëzim…”, prodhim i Teatrit të Qytetit të Preshevës, do të përfaqësojë Luginën në edicionin e tretë të Festivalit të Teatrit Shqiptar “Moisiu”, i cili këtë vit zhvillohet në Prishtinë.
Festivali “Moisiu”, që bashkon teatrot kryesore nga Shqipëria, Kosova, Maqedonia e Veriut dhe Lugina e Preshevës, rikthehet këtë vit me një program të pasur artistik, ndërsa Prishtina për gjashtë ditë shndërrohet në qendër të teatrit shqip.
Programi i festivalit, 22-27 Nëntor 2025
22 Nëntor:
23 Nëntor:
24 Nëntor:
25 Nëntor:
26 Nëntor:
27 Nëntor: Ceremonia e mbylljes
Organizatorët njoftojnë se edicioni i këtij viti sjell **diversitet të gjerë artistik, interpretime moderne dhe një atmosferë krijuese ndërshqiptare**, duke e kthyer festivalin “Moisiu” në një urë të rëndësishme bashkëpunimi kulturor në rajon.
Për Teatrin e Preshevës, pjesëmarrja me komedinë “Një dorëzim…” përbën një tjetër prezantim të rëndësishëm në skenën mbarëshqiptare, duke e vënë në pah punën dhe dinamizmin artistik të trupës preshevare.
Kjo pjesëmarrje e Teatrit të Preshevës në festivalin “Moisiu” vjen pas një viti të ngarkuar me prezantime të suksesshme në disa festivale shqiptare, ku trupa preshevare ka marrë vlerësime dhe ka rritur dukshëm prezencën e saj në skenat teatrore mbarëshqiptare./preshevapress
Në Sanxhak u organizua për herë të parë festa kulturore e Nëntorit të Flamurit me muzikë dhe valle të mirëfillta shqiptare, në kuadër të programit kulturor “Nëntor Lugine”.
Atmosfera ishte e mbushur me gëzim, energji dhe emocione kombëtare, ku shqiptarët e Sanxhakut festuan me motive tradicionale dhe pjesë artistike kushtuar identitetit dhe kulturës shqiptare.
Në këtë aktivitet performuan Shoqëria Kulturore Artistike “Presheva” dhe Shoqëria Kulturore Artistike “Zëri i Luginës”, të cilat sollën melodi dhe valle autoktone që u pritën me entuziazëm nga pjesëmarrësit.
Ngjarja u mbështet nga Ministria e Turizmit, Kulturës dhe Sportit e Republikës së Shqipërisë, nën monitorimin e Ambasadës së Republikës së Shqipërisë në Beograd dhe me mbështetjen e Këshillit Kombëtar Shqiptar.
Sipas organizatorëve, festa synon të forcojë lidhjet kulturore mes shqiptarëve në Sanxhak dhe të promovojë trashëgiminë artistike e kombëtare në këtë rajon.
“Sanxhaku frymoi VeçShqip,” u theksua në njoftim.
Kabineti i prezantuar nga mandatari Glauk Konjufca për formimin e qeverisë ka marrë vetëm 56 vota.
Kësisoj, pas Kurtit as Konjufca nuk i ka marrë votat e nevojshme për formimin e qeverisë.
Deputetët e PDK-së, LDK-së, AAK e NISMA-s nuk e votuan Konjufcën për kryeministër.
Kryetarja e Komunës së Preshevës, Ardita Sinani, s’bashku me kryetarin e Kuvendit Agim Sabedinin, dhe bashkëpunorët e tjerë, sot kanë kryer inspektime në disa nga zonat më të ndjeshme pas reshjeve të dendura që goditën territorin e komunës. Sipas saj, situata paraqitet nën kontroll në të gjitha lagjet dhe vendbanimet, përveç zonës së Stacionit Hekurudhor, ku vërshimet kanë prekur disa shtëpi.
Sinani ka njoftuar se ekipet e Njësisë së Zjarrfikësve dhe ndërmarrjes publike “Moravica” kanë reaguar menjëherë, duke ndërmarrë të gjitha hapat e nevojshëm për menaxhimin dhe sanimin e dëmeve.
“Situata është nën kontroll, ndërsa institucionet komunale mbeten në gatishmëri të plotë për çdo zhvillim gjatë ditëve me reshje intensive,” ka deklaruar Sinani.
“Blick” ka publikuar një tekst për fishkëllimat ndaj Granit Xhakës të martën mbrëma në “Fadil Vokrri”.
Gazeta e madhe zvicerane ka shkruar se fillimisht ndaj Xhakës kishte duartrokitje e më pas fishkëllima. Fishkëllimat ishin lidhur me deklaratën e tij për Leon Avdullahun e Albian Hajdarin, përkatësisht për vendimin e tyre për të luajtur për Kosovën.
Xhaka pas ndeshjes së Kosovës me Zvicrën ka folur për fishkëllimat. Ai u deklarua për televizionin zviceran, SRF.
“Fishkëllimat janë gjëja e fundit që kam pritur, sidomos këtu në shtëpi”, ka thënë Xhaka.
Dhemb, të jem i sinqertë. Por më duhet ta pranoj këtë. Nuk e kam pritur këtë, por është pjesë e lojës. Çdo gjë është në rregull”.
Granit Xhaka po përcillet me fishkëllima sa herë që prek topin në stadiumin “Fadil Vokrri”.
Një pjesë e tifozëve të Kosovës dëgjohen vazhdimisht duke e fishkëllyer kapitenin e Zvicrës.
Sapo u zhvillua pjesa e parë ndeshjes, rezultati është 0:0.
Urimi i plotë i zëvendës kryetarit të Preshevës dhe njëherit kryetarit të PDSh-së, Ragmi Mustafës
I dashuri kryetar: Bedri Hamza,
Më lejoni që në emrin tim dhe në emër të Partisë Demokratike Shqiptare , të uroj për zgjedhjen e sotme në krye të Partisë Demokratike të Kosovës.
Jam i sigurt se udhërrëfyes kryesor i juaji është puna për zhvillim ekonomik,konsolidimin e mëtejmë të Republikës së Kosovës dhe avancimin e Kosovës në integrimin euro-atlantik.
Ju shpreh mirënjohjen më të thellë për mbështetjen dhe bashkëpunimin e vazhdueshëm që keni treguar ndaj Luginës së Preshevës dhe qytetarëve të saj në të gjitha proceset nëpër të cilat kemi kaluar.
Kam besimin, se me Z. Hamzën në krye të Partisë Demokratike të Kosovës, kjo parti ka për të vazhduar me sukses rrugën e nisur prej ish-kryetarit Thaçi e Veseli në orientimin e vendit drejt zhvillimit ekonomik dhe konsolidimin e pozitës ndërkombëtare të Kosovës. Shpreh gjithashtu dëshirën time për vazhdimin e bashkëpunimit të shkëlqyer mes dy partive tona.
Shprehë bindjen time më të thellë se me gjithë përkushtimin Tuaj dhe të ekipit bashkëveprues në teren, do të realizoni përcaktimet programore që padyshim do të kontribuojnë në zhvillimin e mëtejmë të shoqërisë dhe ngritjen e standardeve jetësore të votuesëve Tuaj, madje dhe gjithë shqiptarëve në tërësi.
Duke Ju përgëzuar edhe njëherë, Ju dëshiroj fat dhe shumë suksese në punën e mëtutjeshme Tuajën dhe Partis Demokratike të Kosovës.
Në fund, z.Hamza, shumë shëndet e suksese Juve.
R.M
Në vazhdën e aktiviteteve #VeçShqip, pjesë e projektit “NëntorLugine”, në Novi Pazar u organizua “Sofra Shqiptare”, një event i dedikuar ushqimeve tradicionale të shqiptarëve të Sanxhakut. Aktiviteti u mbështet nga Ministria e Turizmit, Kulturës dhe Sportit e Republikës së Shqipërisë, në kuadër të programit për përkrahjen e Këshillit Kombëtar Shqiptar (KKSh).
Praninë e bëri edhe më domethënëse kryetari i KKSH-se Enkel Rexhepi dhe Ambasadori i Shqipërisë në Beograd, Sh.T. Bardhyl Canaj, i cili u mirëprit nga organizatorët dhe pjesëmarrësit.
Atmosfera ishte e ngrohtë dhe e mbushur me emocion, teksa fryma shqiptare në Sanxhak u reflektua në çdo detaj – në gjuhë, në traditë dhe në mënyrën se si ruhet identiteti. “Të jesh shqiptar në këtë hapësirë është sfidë, por edhe dinjitet”, u theksua në mesazhin e kryetarit të KKSH-së, Enkel Rexhepi.
Eventi nuk ishte vetëm një paraqitje e shijeve tradicionale, por një rikujtim i rrënjëve, kulturës dhe qëndrueshmërisë së shqiptarëve të Sanxhakut, të cilët vijojnë ta mbajnë gjallë traditën me përkushtim dhe krenari.
Nga data 13 nëntor, në Serbi ka hyrë në fuqi regjistri dixhital i shoferëve, një shërbim i ri i Qeverisjes Elektronike që u mundëson qytetarëve të kenë qasje të plotë në të gjitha të dhënat e tyre të trafikut në kohë reale – pa pasur nevojë të paraqiten në sportelet e MUP-it.
Përmes një dosjeje të posaçme dixhitale, çdo qytetar që ka llogari në platformën e Administratës Elektronike mund të shohë:
të gjitha shkeljet e trafikut të regjistruara statusin e secilës shkelje (aktive apo e përfunduar) gjobat e vendosura dhe pagesat e kryera pikët e penalizimit masat mbrojtëse datën e shkeljes dhe momentin e dokumentimit të saj
Një nga risitë kryesore është mundësia që pronari i automjetit të deklarojë online se kush e ka drejtuar makinën në momentin kur është regjistruar një shkelje nga sistemet automatike të kontrollit të trafikut.
Çfarë përfshin dosja e shoferit?
Sistemi i ri, i parashikuar në Ligjin e Sigurisë Rrugore, përmban:
të dhëna bazë të identifikimit të shoferit kufizime shëndetësore të shënuara në patentë historinë e sjelljes në trafik dhe shkeljeve të mëparshme informacion mbi llojin e shkeljes dhe kohëzgjatjen e dënimit
Lehtësi për qytetarët dhe më shumë transparencë
Me këtë shërbim, të gjithë shoferët në Serbi mund të kontrollojnë çdo gjë që lidhet me statusin e tyre në trafik në çdo kohë dhe nga çdo pajisje. Sistemi synon të rrisë transparencën, të shkurtojë procedurat dhe të përmirësojë sigurinë rrugore në vend.