Blog

Kryetari i Këshillit Kombëtar Shqiptar, Enkel Rexhepi, zhvilloi sot një takim të rëndësishëm me Komisionerin e Lartë për Pakica, z. Christophe Kamp, ku paraqiti situatën reale dhe shqetësimet kryesore të shqiptarëve në Luginën e Preshevës.

Rexhepi theksoi se sfidat me të cilat përballet komuniteti shqiptar nuk janë thjesht probleme teknike, por pjesë e një strategjie të qëllimshme që synon dobësimin e institucioneve shqiptare dhe kufizimin e të drejtave kolektive.

Njoftimi i plotë :

𝐒𝐨𝐭 𝐳𝐡𝐯𝐢𝐥𝐥𝐨𝐯𝐚 𝐧𝐣𝐞̈ 𝐭𝐚𝐤𝐢𝐦 𝐭𝐞̈ 𝐫𝐞̈𝐧𝐝𝐞̈𝐬𝐢𝐬𝐡𝐞̈𝐦 𝐦𝐞 𝐊𝐨𝐦𝐢𝐬𝐢𝐨𝐧𝐞𝐫𝐢𝐧 𝐞 𝐋𝐚𝐫𝐭𝐞̈ 𝐩𝐞̈𝐫 𝐏𝐚𝐤𝐢𝐜𝐚 𝐳. 𝐂𝐡𝐫𝐢𝐬𝐭𝐨𝐩𝐡𝐞 𝐊𝐚𝐦𝐩, 𝐤𝐮 𝐩𝐚𝐫𝐚𝐪𝐢𝐭𝐚 𝐬𝐢𝐭𝐮𝐚𝐭𝐞̈𝐧 𝐫𝐞𝐚𝐥𝐞 𝐝𝐡𝐞 𝐬𝐡𝐪𝐞𝐭𝐞̈𝐬𝐢𝐦𝐞𝐭 𝐤𝐫𝐲𝐞𝐬𝐨𝐫𝐞 𝐭𝐞̈ 𝐬𝐡𝐪𝐢𝐩𝐭𝐚𝐫𝐞̈𝐯𝐞 𝐧𝐞̈ 𝐋𝐮𝐠𝐢𝐧𝐞̈.

Theksova se Luginës nuk i mungojnë problemet teknike, por përballja jonë është me një strategji të qëllimshme për dobësimin e institucioneve tona dhe kufizimin e të drejtave kolektive.

👉 𝐁𝐥𝐥𝐨𝐤𝐢𝐦𝐢 𝐢 𝐟𝐨𝐧𝐝𝐞𝐯𝐞 𝐩𝐞̈𝐫 𝐊𝐊𝐒𝐇-𝐧𝐞̈ – 304 mijë euro të miratuara ligjërisht janë refuzuar tri herë pa asnjë arsye. Edhe pse 35,448 tekste shkollore tashmë i përdorin mijëra nxënës, pagesat nuk lejohen të kalojnë.

👉 𝐁𝐥𝐥𝐨𝐤𝐢𝐦𝐢 𝐢 𝐬𝐮𝐛𝐯𝐞𝐧𝐜𝐢𝐨𝐧𝐞𝐯𝐞 𝐛𝐮𝐣𝐪𝐞̈𝐬𝐨𝐫𝐞 ka dëmtuar qindra familje shqiptare dhe ka synuar dobësimin e çdo mekanizmi mbështetës në te shqiptarët.

👉 𝐌𝐨𝐬𝐩𝐞̈𝐫𝐟𝐬𝐡𝐢𝐫𝐣𝐚 𝐧𝐞̈ 𝐩𝐨𝐥𝐢𝐜𝐢 𝐝𝐡𝐞 𝐠𝐣𝐲𝐪𝐞̈𝐬𝐢 ka krijuar një krizë të thellë të sigurisë. Konkurset janë formale dhe shqiptarët eliminohen sistematikisht, duke lënë zona të tëra pa përfaqësim real dhe pa besim në institucionet e rendit.

👉 𝐏𝐥𝐚𝐧𝐢 𝟕-𝐩𝐢𝐤𝐞̈𝐬𝐡 𝐝𝐡𝐞 𝐏𝐥𝐚𝐧𝐢 𝐀𝐤𝐬𝐢𝐨𝐧𝐚𝐥 – Kërkova që këto dy dokumente të trajtohen si bazë e procesit, jo si shtojca. Është koha e veprimit, jo e dialogut të pafund. Implementimi duhet të lidhet me matje konkrete të progresit nga institucionet shtetërore dhe me angazhim të drejtpërdrejtë ndërkombëtar.

👉 𝐏𝐚𝐬𝐢𝐯𝐢𝐳𝐢𝐦𝐢 𝐢 𝐚𝐝𝐫𝐞𝐬𝐚𝐯𝐞 𝐝𝐡𝐞 𝐦𝐨𝐬𝐧𝐣𝐨𝐡𝐣𝐚 𝐞 𝐝𝐢𝐩𝐥𝐨𝐦𝐚𝐯𝐞 mbeten dy nga format më të rënda të diskriminimit administrativ ndaj shqiptarëve.

Kryetarja e Komunës së Preshevës, Ardita Sinani së bashku me kryetarin e Kuvendit, Agim Sabedinin dhe bashkëpunëtorë të tjerë, priti sot në takim Ambasadorin e OSBE-së në Serbi, Marcel Peško. Në qendër të bisedës ishte situata e komunitetit shqiptar në Luginë dhe sfidat aktuale me të cilat përballet Këshilli Kombëtar Shqiptar.

Sinani ngriti shqetësimin për bllokimin e fondeve të Qeverisë së Kosovës, të destinuara për Këshillin Kombëtar Shqiptar dhe projektet kulturore e arsimore. Ajo theksoi se ky bllokim po dëmton funksionimin institucional dhe po pengon zhvillimin e programeve që ndihmojnë ruajtjen e identitetit.

Gjatë takimit, kryetarja kërkoi angazhim më të madh institucional dhe ndërmjetësim për zgjidhjen e kësaj çështjeje, si dhe rritje të vëmendjes ndërkombëtare ndaj sfidave që përballen shqiptarët në Luginë. Ambasadori Peško shprehu gatishmërinë e OSBE-së për të vazhduar mbështetjen dhe monitorimin në terren.

Në takimin e radhës të Komitetit të Palëve të Interesit, kryetari i Këshillit Kombëtar Shqiptar, Enkel Rexhepi, dha një nga deklaratat më të drejtpërdrejta dhe më kritike ndaj institucioneve shtetërore lidhur me gjendjen e Departamentit të Bujanocit.

Rexhepi theksoi se situata ka arritur një pikë ku “përgjegjësia institucionale kërkon të thuhet hapur se proceset nuk po japin rezultat”. Ai rikujtoi se që prej vitit 2018 ka marrë pjesë rregullisht në këto takime, ku çdo vit është folur për zhvillim e perspektivë, por realiteti vetëm është përkeqësuar.

“Numri i studentëve ka rënë ndjeshëm, besimi i publikut është dobësuar dhe perspektiva akademike është ngushtuar deri në pikën ku sot nuk po flasim më për zhvillim, por për mbijetesë,” deklaroi ai. Sipas Rexhepit, nëse trendi vazhdon, Departamenti rrezikon të shuhet plotësisht.

Ai theksoi tre problemet kryesore që kanë çuar në këtë situatë:

Mesazhi i pasigurt institucional, që ka ndikuar drejtpërdrejt në uljen drastike të numrit të studentëve. Mospërfshirja e stafit akademik shqiptar, që mbetet problem i pazgjidhur dhe minon besimin e komunitetit lokal. Financimi i pamjaftueshëm shtetëror, i cili ka lënë Departamentin pa stabilitet dhe pa mundësi planifikimi afatgjatë.

“Shteti, përmes mosveprimit të vazhdueshëm, nuk po e trajton këtë Departament si prioritet institucional,” u shpreh Rexhepi, duke nënvizuar se partnerët ndërkombëtarë, sado të rëndësishëm, nuk mund të zëvendësojnë përgjegjësinë e shtetit ndaj arsimit të lartë publik në një mjedis shumetnik.

Ai apeloi që faza e analizave dhe dokumenteve të paimplementuara të përfundojë:

“Sot kërkohet vendimmarrje. Jo dokumente të reja pa zbatim, por angazhim konkret dhe afatgjatë.”

Rexhepi paralajmëroi se vazhdimi i diskursit për zhvillim ndërkohë që realiteti shkon drejt zhdukjes së institucionit është jo vetëm i pasinqertë, por edhe i dëmshëm për institucionin, për komunitetin dhe për standardet e barazisë që deklarohen publikisht.

Në përfundim, ai kërkoi që shteti të marrë përgjegjësinë e vet dhe të ndërhyjë me politika të qarta, të qëndrueshme dhe të menjëhershme për të garantuar mbijetesën dhe të ardhmen e Departamentit të Bujanocit.

Gazetari Alban Selimi, përmes një njoftimi në profilin e tij në Facebook, njoftoi se vikendin që lëm pas janë përfunduar aplikimet e OJQ-vë në konkursin e informimit që ishe shpallur nga KKSh në bashkëpunim me qeverinë e Kosovës, përcjell MinistriaLajmeve.

Në njoftimin e Selimit thuhet se komisioni dhe monitoruesit kanë qenë të drejtë, transparent dhe të paanshëm në vlerësimin e projekteve.

Postimi i plotë i Selimit:

Këtë vikend përfunduam vlerësimin e projekteve të mediave të Luginës, që aplikuan për mbështetje financiare në Këshillin Kombëtar Shqiptar, i cili ka ndarë grante me vlerë totale 150 mijë euro, të ndara nga Republika e Kosovës.
Falenderoj KKSH-në për besimin dhe mundësinë për të kontribuar në këtë proces kaq të rëndësishëm.
Si komision, bashkë me anëtarët Hasan Hasanin dhe Faruk Daliun, të dy gazetarë me përvojë të gjatë, kemi ndjekur parime të qarta dhe të pandryshueshme: prioritet iu është dhënë projekteve me qëllime të sinqerta, të dokumentuara mirë dhe të realizueshme. Vendimmarrja jonë jemi përpjekur të jetë e drejtë, transparente dhe mbi bazën e meritës, pa lënë hapësirë për ndikime politike, lidhje familjare apo perceptime individuale që mund të cenonin objektivitetin.
Një ndihmë e madhe na është dhënë nga Komisioni për verifikimin e dokumentacionit, në përbërje të Driton Bilallit dhe Alban Alilit.
Monitoruesit Zgjim Hasani, Selman Bektashi dhe Ardian Aliu treguan një qasje të admirueshme; në krye të detyrës, me përgjegjësi dhe korrektësi të plotë.
Do theksuar se OJQ-të që nuk kanë qenë korrekte në raportimin financiar, ato që kanë përfunduar në gjykata me Këshillin, si dhe OJQ ose grupe që kishin përfituar nga Ministria për Pakicat në Serbi (duke anashkaluar Këshillin) dhe tentonin të përfitonin edhe nga buxheti i Kosovës, nuk janë marrë parasysh.
Po ashtu, është rrëzuar një projekt, që Kosovës, në citat i referohej me termin “Metohi”.
Shpresoj që në të ardhmen buxheti të rritet dhe të shkojë tek ata që e meritojnë vërtet, për të mundësuar projekte të dobishme, të qëndrueshme dhe në shërbim të komunitetit tonë.
Vlerësimet sigurisht se do të publikohen shpejt nga sekretariati i KKSh-së.
Faleminderit të gjithëve për besimin dhe bashkëpunimin!

Një 24-vjeçare nga Wels ka raportuar në polici zhdukjen e babait të saj, Agim N. (56) nga fshati Raincë, komuna e Preshevës, më 30 nëntor. Ai ishte larguar rreth orës 12, dhe nuk kishte telefon me vete. U nis me një Opel Mokka të zi.

Të dielën në mëngjes, policia bavareze njoftoi se gjeti automjetin e tij në një arë në Hauzenberg, qarku Passau, të bllokuar në tokë të lagësht. Nga Agimi, asnjë gjurmë. Kërkimi i gjerë, përfshirë edhe helikopter, nuk dha rezultat.

Ai është rreth 1.80 m i gjatë, peshon rreth 90 kg. Herën e fundit ka qenë i veshur me xhup dimri blu të errët, xhinse blu të errëta, këpucë New Balance blu të çelët dhe kapuç gri.

Kush ka informacion, të kontaktojë Drejtorinë e Krimeve në numrin: 0049 59 133 47 3333.

Drejtori i Urbanizmit, Ardian Aliu, u bë thirrje qytetarëve të komunës së Preshevës, të paraqiten në shërbimin e Urbanizmit në lidhje me evidentimin e objekteve të palegalizuara.

Të nderuar qytetarë,

Ju njoftojmë se më 8 dhjetor 2025 fillon paraqitja e kërkesave për regjistrimin e objekteve, sipas Ligjit për kushtet e veçanta për evidentimin dhe regjistrimin e të drejtave mbi pasuritë e paluajtshme.

Afati për dorëzimin e kërkesave është 60 ditë, dhe ju inkurajojmë të gjithë që ta shfrytëzoni këtë mundësi të rëndësishme për rregullimin e pronave tuaja.

Gjithashtu, ftojmë të gjithë qytetarët e Preshevës që për çdo informacion shtesë, sqarim profesional, asistencë teknike apo dokumente udhëzuese të nevojshme për plotësimin korrekt të aplikimit, të paraqiten në Shërbimin e Urbanizmit.
Ne mbetemi gjithmonë në shërbim të qytetarëve tanë.

Me respekt,
Ardian Aliu
Drejtor i Urbanizmit

Kryetarja e Komunës së Preshevës, Ardita Sinani, ka njoftuar qytetarët për një situatë shqetësuese që ka prekur institucionet komunale gjatë ditëve të fundit. Vetëm më 3 dhe 4 dhjetor, në Avokaturën Komunale kanë arritur 43 padi të reja, të gjitha të lidhura me çështje shpronësimi të pronave në vendbanime të ndryshme të komunës.

Sipas Sinanit, numri më i madh i padive vjen nga fshati Corroticë, dhe të gjitha janë paraqitur nga e njëjta avokate nga Leskovci, Kristina Iliq Disiq. Ajo theksoi se ky valë padish paraqet një barrë serioze financiare për komunën.

Njoftimi i plotë :

📢 Njoftim për qytetarët e Komunës së Preshevës

Njoftojmë qytetarët se ndaj Komunës së Preshevës, përkatësisht në Avokaturën Komunale, vetëm gjatë datave 3 dhe 4 dhjetor kanë arritur 43 padi lidhur me çështje të shpronësimit të pronave në vendbanime të ndryshme të komunës sonë. Numri më i madh i këtyre padive vjen nga qytetarë të fshatit Corroticë, dhe të gjitha janë paraqitur nga e njëjta avokate nga Leskovci, Kristina Iliq Disiq.

Këto padi dhe ato të tjera që pritet të dorëzohen janë tejet shqetësuese dhe përbëjnë një ngarkesë të papërballueshme për buxhetin e Komunës. Vetëm gjatë këtij viti, Komuna ka paguar rreth 70 milion dinarë për dëmshpërblime, ndërsa për vitin 2026 pritet që buxheti të dëmtohet me mbi 50 milion dinarë të tjera si rezultat i padive të njëpasnjëshme.

Për këtë arsye, i lusim qytetarët që të shqyrtojnë mundësinë e tërheqjes së këtyre padive, pasi në mungesë të mjeteve financiare, komuna është e detyruar të ndërmarrë masa ndaj çdo personi që shkakton dëm të pajustifikueshëm në buxhetin publik. Këto masa mund të përfshijnë, ndër të tjera, rritjen e tatimit në pronë deri në shumen e dëmit të shkaktuar, si dhe ndërmarrjen e procedurave të tjera ligjore.

Lusim qytetarët të mos bien pre e manipulimeve të avokatëve, sidomos atyre nga Leskovci dhe Vranja, pa u konsultuar më parë me organet kompetente të Komunës së Preshevës, respektivisht me Shërbimin Pronësoro-Juridik, ku çdo kërkesë për shpronësim duhet të dorëzohet zyrtarisht. Shumë prej këtyre avokatëve veprojnë duke ndjekur interesin e tyre personal dhe jo interesin tuaj si qytetarë.

Për sqarim, ju rikujtojmë se në të kaluarën ka pasur raste sidomos nëpër fshatra ku qytetarët kanë përfituar shuma minimale, ndërsa avokati i tyre ka përfituar tre deri katër herë më shumë se vetë qytetari. Prandaj, pretendimet e avokatëve se “shteti po dëshiron t’ju kompensojë pronat” janë të pavërteta dhe të pabaza.

Kryetarja bëri të ditur se vetëm gjatë vitit 2024, Komuna e Preshevës ka paguar rreth 70 milion dinarë për dëmshpërblime, ndërsa për vitin 2026 pritet një kosto shtesë prej mbi 50 milion dinarësh si rezultat i padive të njëpasnjëshme.

Ministria e Punëve të Brendshme ka shpallur konkurs për pranim kandidatësh për trajnimin bazë të Policisë në Qendrën për Trajnimin Bazë të Policisë në Sremska Kamenicë. Për rajonin e Drejtorisë së Policisë në Vranjë, që përfshin komunat Preshevë, Bujanoc dhe Medvegjë, do të pranojnë 45 kandidatë për pozita të ndryshme, si më poshtë:

Polic Polic trafiku për aksidentet rrugore Polic kufiri

Kandidatët që plotësojnë kushtet mund të aplikojnë deri më 22 dhjetor 2025. Për më shumë informacion rreth kushteve dhe dokumentacionit të nevojshëm, aplikantët mund të vizitojnë stacionet e policisë në rajon ose të lexojnë shpalljen e plotë të konkursit në gazetën “Politika”.

Konursi i plotë: