Blog

Kryetari i Këshillit Kombëtar Shqiptar, Enkel Rexhepi, ka njoftuar sot për përfundimin e afatit të aplikimeve për thirrjet publike të hapura nga KKSh, të mbështetura nga Qeveria e Republikës së Kosovës. Afati u mbyll në orën 15:00.

Falë programit mbështetës të financuar nga Kosova, Këshilli Kombëtar Shqiptar hapi thirrje publike në fusha me rëndësi të veçantë për komunitetin shqiptar në Luginë dhe Sanxhak. Interesimi ka qenë i lartë, me gjithsej 177 aplikime të pranuara.

Numri i aplikimeve sipas komunave:

Aplikimet sipas fushave të thirrjes:

Kryetari Rexhepi njoftoi se procesi i vlerësimit të projekt-propozimeve do të kryhet nga profesionistë, ndërsa komisioni i vlerësimit do të bëhet publik së shpejti. Ai theksoi se komisioni do të jetë plotësisht i pavarur në punën e tij.

“Qëllimi ynë është i qartë: të mbështesim punën, iniciativën dhe energjinë pozitive të çdo shqiptari në Luginë dhe Sanxhak,” u shpreh Rexhepi, duke shtuar se angazhimi për më shumë bashkëpunim me Shqipërinë dhe Kosovën mbetet prioritet.

Në selinë e Këshillit Kombëtar Shqiptar është inauguruar sot ekspozita e dedikuar kapitenit të Kombëtares së Shqipërisë, Berat Gjimshiti – një prej figurave më frymëzuese të Luginës së Preshevës në fushën e futbollit.

Ekspozita është realizuar në kuadër të programit kulturor “Nëntor Lugine”, me mbështetje të Ministrisë së Turizmit, Kulturës dhe Sportit të Republikës së Shqipërisë, nën monitorimin e Ambasadës së Shqipërisë në Beograd dhe me përkrahjen e Këshillit Kombëtar Shqiptar.

Kryetari i Këshillit Kombëtar Shqiptar, Rnkell Rexhepi, uroi që ky kënd simbolik të nxisë ambicie, vetëbesim dhe krenari te brezat e rinj, duke prodhuar sportistë që do të bëhen ambasadorë të Luginës në botë.

Kuvendi i Serbisë ka votuar për përbërjen e re të Këshillit të Regullatorit për Mediat Elektronike (REM), duke zgjedhur tetë anëtarë nga propozimet e institucioneve dhe shoqatave serbe, ndërsa asnjë nga kandidatët e propozuar nga këshillat kombëtare të pakicave kombëtare — përfshirë edhe komunitetin shqiptar — nuk mori mbështetjen e nevojshme për t’u zgjedhur

Në reagimin e tij, Këshilli Kombëtar Shqiptar (KKSh) e ka cilësuar këtë vendim si dëshmi të qëndrimit përjashtues dhe ksenofob të qeverisë aktuale, duke theksuar se “as shqiptari, as boshnjaku nuk janë të pranueshëm për pushtetin në Beograd”.

Sipas KKSh-së, mënyra se si u zhvillua votimi tregon mungesë të vullnetit politik për përfaqësim të barabartë dhe përbën shkelje të frymës së Ligjit për Këshillat Kombëtare të Pakicave Kombëtare.

“Fakti që kandidatët e pakicave nuk morën asnjë votë mbështetëse është tregues i qartë i diskriminimit institucional,” thuhet në reagim.

Këshilli gjithashtu ka akuzuar REM-in se është “një nga institucionet më të politizuara në vend”, që në vend të garantimit të lirisë së mediave “është shndërruar në instrument të kontrollit dhe ndikimit qeveritar”.

Sipas KKSh-së, në mediat që mbikëqyren nga REM, shqiptarët vazhdojnë të portretizohen negativisht, ndërsa gjuha e urrejtjes ndaj pakicave, veçanërisht ndaj shqiptarëve, nuk sanksionohet.

“Përjashtimi i përfaqësuesve të pakicave nga REM do të thotë heshtje e qëllimshme ndaj diskriminimit mediatik dhe pamundësi që zëri i pakicave të dëgjohet në një organ që duhet të garantojë pluralizmin dhe barazinë në hapësirën mediatike të vendit,” thuhet në deklaratën e KKSh-së.

Këshilli Kombëtar Shqiptar ka dënuar ashpër këtë praktikë përjashtuese dhe ka bërë thirrje për respektimin e të drejtave të barabarta të të gjitha pakicave kombëtare në institucionet shtetërore të Serbisë.

Zgjidhja “e-Bolovanje – Punëdhënësi” është një sistem i ri që, duke filluar nga 1 janari 2026, do t’u lehtësojë ndjeshëm qytetarëve përfitimin e të drejtës për pushim mjekësor.

Bëhet fjalë për një risi që do të mundësojë një proces më të thjeshtë, më të shpejtë dhe më të qartë për marrjen e pushimit mjekësore.
Punonjësit do të kenë mundësi të ndjekin në mënyrë elektronike statusin e raportit të tyre, afatet për kontrolla, si dhe të reagojnë me kohë, pa qenë nevoja të presin në radhë apo të rrezikojnë shëndetin duke u përpjekur të përfundojnë procedurat në mënyrë fizike.

Sistemi do të zbatohet nga 1 janari 2026 dhe përfaqëson një shembull të qartë të mënyrës se si pjesa administrative e sistemit shëndetësor do të modernizohet dhe përmirësohet në të ardhmen, gjegjësisht punëtori nuk do të jetë I obliguar ti dërgojë punëdhënësit raportin e pushimit mjeksorë, ngase të njetin përmes sistemit do të ia dërgojë mjeku.

Kryetarja e Komunës së Preshevës, Ardita Sinani, ka zhvilluar sot një vizitë në Qendrën Tregtare “Interspeed”, e cila ndodhet pranë pikës kufitare me Maqedoninë e Veriut, në Tabanoc.

Në këtë vizitë, Sinani ishte e shoqëruar nga stafi i kabinetit, si dhe biznesmenë lokalë dhe nga diaspora, me të cilët ndau idetë për zhvillimin ekonomik të zonës.

Përmes një postimi në Facebook, ajo theksoi se zhvillimi i Preshevës ndërtohet mbi bashkëpunimin, vizionin dhe iniciativën private:

“Zhvillimi merr formë përmes bashkëpunimit dhe vizionit. Bashkë me stafin e kabinetit, biznesmenë lokalë dhe nga diaspora, vizituam Qendrën tregtare ‘Interspeed’, një projekt që po i jep frymë të re ekonomisë lokale pranë pikës kufitare Tabanoc,” – shkroi Sinani.

Pushteti Lokal në Preshevë, ka nisur punimet për asfaltimin e rrugës në fshatin Bushtran, si pjesë e projekteve në vazhdim për përmirësimin e infrastrukturës lokale.

Sinani, Mustafa e Sabedini, gjatë një inspektimi në terren, thanë ky investim është një tjetër hap drejt krijimit të kushteve më të mira për qytetarët dhe për lehtësimin e qarkullimit të banorëve të zonës.

Asfaltimi i kësaj rruge pritet të ndikojë pozitivisht në cilësinë e jetës së banorëve të Bushtranit dhe të lehtësojë qasjen në zonat përreth, duke forcuar lidhjen infrastrukturore brenda komunës.