Kurti: Ndihma dhe solidariteti me të varfrit shënon Kurban Bajramin
Lideri i Lëvizjes Vetëvendosje, Albin Kurti, ka uruar festën e Kurban Bajramit.
Ai përmes një postimi në Facebook ka shkruar se festa e Kurban Bajramit na përkujton bamirësinë, duke u referuar në atë se çka ndajmë me të tjerët dhe jo sa mbajmë për vete.
Ai thotë se gatishmëria për sakrificë si vlerë dhe shembull, ndihma e solidariteti me të varfrit dhe të afërmit, shënojnë këtë festë.
“Nuk jemi atë që kemi secili, por jemi ajo që ua japim të tjerëve. Pra, jo sa mbajmë për vete, por çka ndajmë me të gjithë. Këtë na e përkujton festa e Kurban Bajramit të cilën ua uroj përzemërsisht besimtarëve myslimanë. Çdonjëri e përbëjmë dhe zhvillojmë bashkësinë, mirëpo edhe i përkasim e formohemi prej saj. Mbarësia e mirësia, shëndeti e lumturia, qofshin gjithmonë me Ju”, ka shkruar Kurti.
