Serbia po e armatos intensivisht ushtrinë për luftë?

Ushtria e Serbisë po pajiset dhe po armatoset intensivisht, sepse ajo duhet të jetë e gatshme që të mbrojë çdo pjesë të territorit tonë si dhe serbët pa marrë para sysh se ku jetojnë, ka thënë ministri serb i Mbrojtjes Aleksandar Vulin.

Ai, siç përcjell b92, ka thënë kështu gjatë demonstrimit të armatimit dhe të pajisjeve ushtarake që janë futur në përdorimin operativ të Ushtrisë së Serbisë ose që janë në fazën e testimit.

Vulin ka theksuar se Serbia duhet të jetë në gjendje të kryejë çdo detyrë në çfarëdo situate.

“Ne duhet t’i përgjigjemi çdo sfide”, ka përfunduar ai.

Vulin tha se buxheti për ushtrinë është rritur dhe se ky buxhet është në një maksimum historik, pasi kurrë nuk ka qenë aq shumë para ushtrinë.