Sadriu: “Farsa politike” dhe pjesëmarrja në zgjedhjet parlamentare me listën “Lugina e Bashkuar” për Beograd mbaroi
Zëvendëskryetari i Partisë Demokratike Shqiptare, Ilir Sadriu përmes një postimi në llogarinë e tij në FB, ka deklaruar se lista unifikuese “Lugina e Bashkuar” për zgjedhjet parlamentare në Serbi ishte një farsë politike e cila tashmë pas zgjedhjeve ka mbaruar.
Zgjedhjet parlamentare, ashtu edhe siç është pritur nga shqiptarët në Luginë të Preshevës u bojkotuan, por mjerisht vullneti i popullit po tjetërsohet për të saten here , në mënyrë të paskrupullt përmes mbushjes së kutive të votimit, vjedhje kjo që i siguroi dy mandate listës “Lugina e Bashkuar”- është shprehur Sadriu, përcjell Ministria Lajmeve.
Ndër të tjera ai ka shtuat se “Fitoren” e “Luginës së Bashkuar” presidenti Vuçiq do ta shfrytëzoj që para ndërkombëtarëve do thotë se shqiptarët kanë mjaft të drejta dhe janë mjaft të integruar në Serbi.
Postimi i plotë :
Beogradi , mirëpriti angazhimin e Tiranës në “bashkimin e shqiptarëve” në Luginë për interesat afatshkurtëra të Vuçiqit në kuadër të proceseve, të cilat e presin Serbinë.
Zgjedhjet parlamentare, ashtu edhe siç është pritur nga shqiptarët në Luginë të Preshevës u bojkotuan, por mjerisht vullneti i popullit po tjetërsohet për të saten here , në mënyrë të paskrupullt përmes mbushjes së kutive të votimit, vjedhje kjo që i siguroi dy mandate listës “Lugina e Bashkuar”.
Rezultatet e zgjedhjeve vetëm sa e sforcuan autokracinë një partiake në Serbi, duke prodhuar në nivel qendror dhe nivele lokale kontrolle të plota të pushteteve nga Partia përparimtare serbe.
“Fitorja e Pirros” e “Luginës së Bashkuar” u përshëndet nga një numër i konsiderueshëm i përfaqësuesve institucional dhe partiak edhe nga Republika e Kosovës, mbase po të mbështetej kjo listë edhe me proces të votimit në Kosovë nga të njejtit, meqë Serbia i konsideron si “qytetarë të vet” dhe i mundësoi që në territorin e Republikës së Kosovës të votohet, do të kishim mundësinë që në parlamentin e Serbisë të kishim mbi 30 deputet shqiptarë.?
“Fitoren” e “Luginës së Bashkuar”, presidenti dhe qeveria e re serbe do ta shfrytëzojë për të argumentuar se shqiptarët në Serbi kanë mjaft të drejta dhe janë mirë të integruar, andaj s’duhet ndryshuar asgjë, përderisa spastrimi etnik i shqiptarëve me masa burokratike po vazhdon.
Duke parë tërësinë e problemeve në Luginë të Preshevës për zgjidhjen e statusit të saj politik, si kurrë më parë i nevojitet mbështetje nga Kosova në kuadër të marrëveshjes së pritshme gjithëpërfshirëse për normalizimin e raporteve Kosovë-Serbi, ndërsa bashkimi është e vetmja zgjidhje!
