Ndërron jetë i infektuari me Covid-19 nga Bujanoci

Një burrë 68-vjeçar nga Bujanoci që dyshohej se ishte i infektuar me koronavirus, ndërroi jetë në Qendrën Klinike Nish të dielën, ku dhe u konfirmua të hënën që ishte pozitiv me covid-19, kështu u tha nga Shtëpia e Shëndetit në Bujanoc.

Sipas raportit të fundit nga Instituti i Shëndetit Publik në Vranjë, përfshirë këtë rast, numri i rasteve të regjistruara me koronavirus në komunën e Bujanocit është 5, nga të cilët dy persona kanë vdekur dhe ndërkohë, një është shëruar.

“Ne kemi këmbëngulur që të na sigurohet një raport për komunën tonë, dhe nga kryqëzimi i situatës sot, ne kemi pesë raste të konfirmuara,” i tha “Bujanovaçke” Dr. Lela Jovanovic, drejtoreshë e Shtëpisë së Shëndetit në Bujanoc.

I ndjeri nuk dihet nëse ai kishte sëmundje të tjera.

– Përsëris, qytetarët duhet të respektojnë masat e përcaktuara, izolimi është mbrojtja më e rëndësishme dhe më efektive. Ne nuk jemi larg nga kjo situatë. Vendosni maska, mirëmbani higjenën dhe distancën, lani duart dhe më e rëndësishmja, mos dilni pa nevojë, thotë Dr. Jovanoviç.