Mustafa bënë të ditur se si do të zhvillohet mësimi për nxënësit shqiptarë të Luginës së Preshevës

Në gjendje të jashtëzakonshme të shkaktuar nga epidemia e koronavirusit, Ministria e Arsimit, Shkencës dhe Teknologjisë ka miratuar një Plan Operativ për Arsimin në distancë, në përputhje me të cilin sistemi arsimor duhet të vazhdojë të funksionojë, nxënësit duhet të pajisen me mundësi mësimi, shkollat dhe mësuesit duhet të përshtaten situatë. Edukimi në distancë përqendrohet në kurikulën e lëndëve të përgjithshme dhe të veçanta me numrin më të madh të mësimeve, por është detyra kryesore e shkollave të zhvillojnë, në përputhje me aftësitë e tyre, të gjitha lëndët dhe programet e tjera në bazë të kurikulës dhe planin programin të paraparë.

Ditët e fundit, Këshilli Kombëtar Shqiptar ka bërë gjithçka në fuqinë e tij për të siguruar që axhenda dixhitale jashtë klasës të fillojë sa më shumë që të jetë e mundur në Gjuhën Shqipe. Të dielën, 15 Mars 2020, kemi dërguar listën e mësuesve dhe mësimdhënësve në ministrinë përkatëse që do të angazhohen në arsimim në distancë me ndihmën e Radios dhe Televizionit të Serbisë.

Këshilli Kombëtar Shqiptar ka njoftuar ministrin për Televizionet lokale (RTV ALDI, RTV SPEKTRI dhe RTV PRESHEVA) që kanë treguar gatishmërinë për të ndihmuar këtë proces ku edhe kemi kërkuar fonde shtesë për përgatitjen teknike dhe transmetim. Megjithatë, përgjigja e ka qenë negative sa i përket fondit, sikur që kanë theksuar se janë duke parë mundësin për të dërguar një ekip të Radiotelivizionit të Serbisë për bërë përgatitjet teknike dhe të emetimit.

Gjatë ditëve në vijim, ne do të përpiqemi të organizojmë takime online ose personale me drejtuesit e institucioneve të arsimit në gjuhën shqipe, në varësi të rrethanave, për të zgjidhur bashkërisht çdo çështje në këtë proces.

Sidoqoftë, përvojat e ditës së parë treguan se drejtuesit e shumicës së institucioneve arsimore shqipe u përpoqën të krijojnë programin e tyre të veprimit, duke u përgatitur për një situatë ku mësuesi nuk është në gjendje të ruajë kontakt të drejtpërdrejtë personal me nxënësit dhe në të cilin nxënësit të angazhohen, duke përdorur mjete infokomunikuese – nga distanca.

Lusim edhe njëherë të siguroni informacion për nxënësit në internet, mbështesni ata në mësimin e tyre, identifikoni pjesë të kurikulës që do të përpunohen dhe përcaktoni mënyrën e zhvillimit, evidentimit dhe raportimit sipas rekomandimeve nga Ministria e Arsimit, Shkencës dhe Zhvillimit Teknologjik.

Ne kemi besim se në gjendjen aktuale të jashtëzakonshme, duke njohur aktorët e arsimit shqip në Luginën e Preshevës, nuk ka dyshim se do të krijojmë mundësi nga pa mundësia dhe disavantazhet. Ne do të përpiqemi bashkërisht të ndihmojmë në këtë ekuacion: nxënës, mësues, prind dhe komunitet.

Të nderuar mësues, Të dashur kolegë,

Duke pasur parasysh nevojën për të vazhduar sistemin arsimor në rast të një epidemie koronare, nxënësve duhet t’u jepet mundësia të mësojnë, shkollat dhe mësuesit duhet të përshtaten në situata të papritura. Këshilli Kombëtar Shqiptar do të donte të informojë institucionet arsimore se jemi duke bërë çmos për të siguruar që axhenda dixhitale.

1. Kemi njoftuar shkollat për masat paraprake që duhet të ndermirën me rastin e koronavirusit;
2. Me 14 mars 2020, të shtunën kemi mbajtur mbledhje të përbashkët me gjithë drejtuesit e institucioneve shkollore shqipe parapërgatitjet për mësim në distancë.
3. Për këtë qëllim, të dielen, 15 Mars 2020, Ministria e Arsimit dhe Teknologjisë kemi pajis me një listë të mësuesve dhe mësimdhënësve që do të angazhohen në mësimin në distancë me televizionin.
4. Në varësi të rrethanave, ne do të përpiqemi të organizojmë takime në internet ose ballë për ballë me drejtuesit e institucioneve arsimore në gjuhën shqipe për të zgjidhur bashkërisht çështjet që mund të lindin.
5. Diskutimet janë duke vazhduar për të përfshirë Televizionet lokale në mësimin në distancë. Këshillin Kombëtar Shqiptar është në dispozicion për të zgjidhur çdo çështje ose detyrat që mund të përballeni. Ju lutemi dërgoni pyetjet tuaja në adresën kksh.bujanoc@gmail.com dhe kkshlugina@outlook.com

Gjithashtu përveç që jemi në kontakt me Ministrinë e Ministria e Arsimit, Shkencës dhe Zhvillimit Teknologjik, kemi kërkuar edhe ndihmën nga Ministrisë së Arsimit, Rinisë dhe Sportit Republikës së Shqipërisë dhe Ministria e Arsimit, Shkencës, Teknologjisë dhe Inovacionit të Kosovës.

Situata aktuale është gjithashtu një mundësi e madhe për inovacion, nga e cila ne do të përpiqemi të shfrytëzojmë sa më shumë për të ardhmen e fëmijëve tanë.

Faleminderit për mirëkuptimin dhe bashkëpunimin tuaj.

SUBJEKTE DIGJITALE

· Portali i Edukimit Ministrisë së Arsimit, Rinisë dhe Sportit Republikës së Shqipërisë

Platformë mësimore online për nxënës me klasa virtuale. Falas https://www.akademi.al/

Gjithashtu: https://www.youtube.com/channel/UC21Y6wkN3En_HKFdt4yWxMQ/featured

· Portali i Edukimit Ministrisë së Arsimit, Shkencës dhe Zhvillimit Teknologjik së Serbisëhttps://www.rasporednastave.gov.rs/

· Wordwall (https://wordwall.net/): Mësuesit mund të krijojnë materiale edukative për nxënësve e tyre – kuize argëtuese, palë, lojëra fjalësh,

· Klasa BOOKR (www.bookrclass.com): 1000+ materiale mësimi të gjuhës angleze me ndërfaqen e mësuesve.

Iu inkurajojmë që të shkarkoni platformën Google classrom https://edu.google.com/products/classroom/?modal_active=none

pastaj të krijoni llogari dhe në vazhdim mund të hapësh mësimet e plasuara në këtë platformë.