Ministri Cakaj : Një super lajm nga zemra e Luginës së Preshevës

Ministri në detyrë për Eurpn dhe Punët e Jashtme të Shqipërisë Gent Cakaj ka reaguar pas marrëveshjes historike të partive shqiptarë për bashkëqeverisje në komunën e Bujanocit, përcjell Ministria e Lajmeve.

Cakaj përmes një postimi në profilin e tij zyrtarë është shprehur tepër i entuziasmuar dhe i lumtur për marrëveshjen gjithëpërfshirëse të partive shqiptare.

Postim i plotë :

Miq, miq, miq:

NJË SUPER LAJM NGA ZEMRA E LUGINËS SË PRESHEVËS ??❤:

Partitë politike shqiptare tashmë kanë mbyllur marrëveshjen për bashkëqeverisje në Bujanoc.

Kjo është pothuajse e arritura më domethënëse që kemi shënuar bashkërisht në Luginë: Bujanoci do të qeveriset drejtë nga shqiptarët e nuk do të varet nga askush tjetër, përveç shumicës shqiptare.

Personalisht i detyrohem një falënderim të posaçëm z. Nagip Arifi, z. Shaip Kamberi, z. Shqiprim Musliu e z. Arbër Pajaziti që i qëndruan fjalës së dhënë në mbledhjen e djeshme në Tiranë duke arritur këtë marrëveshje që është jetike për Bujanocin e shqiptarët e Luginës!

Neve, ndërkaq, na takon ta vazhdojmë punën e pakursyer në shërbim të mbështetjes së Luginës e gjithë shqiptarëve në përgjithësi!

URIME BUJANOC, LUGINË E PRESHEVËS E SHQIPTARË NË PËRGJITHËSI!