Lonçar: Do të rikthehen masat vetëm aty ku është e nevojshme, ne nuk do t’i ndëshkojmë të disiplinuarit
Këtë mëngjes, Ministri i Shëndetësisë, Zlatibor Lonçar, përsëriti se rikthimi eventual i masave në luftën kundër Covid 19 do të jetë vetëm në zonat ku është e nevojshme, dhe se përparësi për testim dhe ekzaminim do të kenë vetëm ata që kanë simptoma ndërsa të tjerëve dhe u kërkoi të jenë të durueshëm.
“Nëse keni qenë vetëm në kontakt, dhe nuk keni simptoma, nuk duhet të nxitoni me testimin, sepse periudha e inkubacionit mund të zgjasë për disa ditë” – deklaroi Ministri i Shëndetësisë.
Sa i përket masave të reja, Lonçar thekson se masat do të vendosen sipas situatës nga zona në zonë dhe se nuk do të ketë masa për ata që janë të disiplinuar dhe i përmbahen rekomandimeve, por vetëm aty ku nuk ka rezultate.
– Ne nuk duam që dikush të pësojë dëm kolateral nëse ai respekton masat, nuk ka nevojë të marrë masa shtesë – tha Lonçar në programin e mëngjesit në “RTS”, përcjell Ministria e Lajmeve.
Siç theksoi ai, kapacitetet e spitaleve Covid nuk janë mbushur, dhe “po shkohet një hap përpara” me hapjen e qendrave të reja me Covid, në mënyrë që të mos ndodhë të mos ketë vend për pacientë të rinj.
