Vulin: Shpresoj se një ditë NATO do të kërkojë falje për bombardimet në Serbi
Ministri i mbrojtjes së Serbisë Aleksandar Vulin ka thënë se shpreson që një ditë NATO do ta pranojë se ‘agresioni kundër Serbisë ka qenë një krim i tmerrshëm’.
“Shpresoj se një ditë do të kenë fuqi dhe do të shprehin keqardhje dhe do të kërkojnë falje për vrasjen jo vetëm të civilëve por edhe të çdo polici dhe çdo ushtari”, ka thënë Vulin.
Vulin ka thënë se NATO nuk e ka guximin që të pranoj se agresioni ka qenë krim.
Ai këtë e ka thënë kur është pyetur lidhur me deklaratën e sekretarit të përgjithshëm të NATO-s Jens Stoltenberg se intervenimi i NATO-s ka qenë për qëllim të mbrojtjes së civilëve në Kosovë.
“Stoltenberg ka thënë Serbia është bombarduar për t’i penguar kolonat e refugjatëve, mirëpo kolonat e refugjatëve janë nisur pas bombave të NATO-s”, ka thënë Vulin.
Sipas fjalëve të Vulinit, “kolonat e refugjatëve kanë qenë pasojë, e jo arsye e bombave të NATO-s, dhe ka shtuar se në atë rast NATO ishte dashur ta bombardojë Kroacinë dhe Kosovën sepse “prej këtyre vendeve janë dëbuar serbët!”./ministrialajmeve.com
