Vuçiq: Në Banjskë kanë luftuar edhe persona nga Presheva

Në konfliktin e armatosur në fshatin Banjska të Kosovës, në krah të forcave të Kosovës kanë luftuar edhe njerëzit nga komuna e Preshevës në jug të Serbisë qendrore, deklaroi të mërkurën në mbrëmje presidenti serb Aleksandar Vuçiq në RTS. 

“Këta janë persona që kanë kryer krime të shumta, dhe disa prej tyre janë në fletarrest tona nga viti 2021”, ka theksuar Vuçiq në një paraqitje TELEVIZIVE në RTS.

Ai ka paraqitur emrin konkret dhe ka renditur veprat penale të një personi.

-A. Muharremi, Alji apo Aliu kanë kryer gjashtë krimet më të rënda në vendin tonë. Nga prodhimi dhe trafikimi i lëndëve narkotike, prostitucioni, banditizmi dhe gjithçka tjetër. Ai ka fituar mbrojtjen e agjencisë së inteligjencës së Kosovës në shtator të vitit 2021 dhe së bashku me një grup prej 50 bashkatdhetarësh është dërguar në një trajnim të përshpejtuar prej 60 ditësh në një kamp stërvitor ilegal në një vend evropian – tha Vuçiq në RTS.

Sipas tij, ai është shoqëruar në kamp nga diaspora ekstremiste shqiptare.

“Shkuan të gjithë me këngën e Adem Jasharit. Në ndërkohë, ata morën apartamente në qendër të Prishtinës për besnikërinë ndaj shtetit të Kosovës të sapokrijuar. Prandaj, mercenarët e atij lloji dolën në aksion në Banjskë – tha presidenti i Serbisë.

Ai shtoi se ata ishin të stërvitur mirë, por jo shumë të guximshëm.

Sipas vlerësimeve të tij, rreth 460 shqiptarë luftuan kundër rreth tridhjetë serbëve.