Veseli: Kurti ka fobi ndaj ShBA-së, është kundër Trumpit, ishte kundër Klintonit, Bushit e Obamës
Kryetari i PDK-së, Kadri Veseli, për Ballkan Talks në Euroneës, ka thënë se PDK nuk e përkrah as Qeverinë Kurti e as Qeverinë Hoti. Veseli ka thënë se Kurti ka vënë në pikën më të ulët raportet mes Kosovës e ShBA-së.
“Albin Kurti ka një fobi ndaj ShBA-së, që nuk lidhet me Trumpin, Grenellin, I njëjtë ka qenë më Klintonin, me Bushin, me Obamën, I njëjtë ka qenë gjithmonë. Cfarë të them për marrëveshje sekrete, me këto qëndrime e ka dëmtuar shumë Kosovën Albin Kurti. Ai është kundër Grenellit e pro Borrelit”, ka thënë Veseli, përcjell Periskopi.
Veseli: Qeveria Hoti vazhdimësi e Qeverisë Kurti, të dyja mashtruese e manipuluese
Kryetari i PDK-së, Kadri Veseli, për Ballkan Talks në Euroneës, ka thënë se PDK nuk e përkrah as Qeverinë Kurti e as Qeverinë Hoti. Veseli ka thënë se Kurti ka vënë në pikën më të ulët raportet mes Kosovës e ShBA-së.
“LDK dhe VV nuk shkuan sepse ishte në pyetje mashtrimi. Ata ishin një koalicion i mashtrimit dhe e lanë vendin keq në momentet më të rënda të pandemisë. Ata për vite të tëra kishin konstatuar por nuk e kishin mendjen e as qëndrimin politik në ato që deklaronin. Na gjykonin ne, sidomos PDK-në dhe mohonin të gjitha arritjet. Ata manipuluan tepër shumë me qytetarët. Ngritën pritshmëritë se do ta bënin parajsë vendin por dështuan sepse përvec mashtrimit nuk e kishin as gatishmëri, as guxim dhe ky koalicion i shpresës që e quajtën vet ata, përfundoi në një turp. Tash përvec problemeve me pandeminë, po thellohet problem edhe në aspekt ekonomik. Kemi vënë në pikën më të ulët marrëdhëniet me ShBA-të, garantueset e paqes dhe shtetit tonë”, ka thënë Veseli.
“Qoftë Qeveria Kurti qoftë qeveria Hoti, është mashtrim, është vazhdimësi e manipulimit që përfundon me dështim. Është dëmtuar shumë Kosova si shtet i pavarur dhe Sovran. E kanë bë hero të humanizmit zëdhënësin e Millosheviqit”, ka thënë Veseli.
