U mbajt seanca e VII-të e Kuvendit Komunal, miratohet buxheti për vitin 2026

Sot është mbajtur seanca e VII-të e Kuvendit Komunal, në të cilën pika më e rëndësishme e rendit të ditës ishte shqyrtimi dhe votimi i buxhetit komunal për vitin 2026.

Pas diskutimeve ndërmjet anëtarëve të kuvendit, buxheti për vitin 2026 u hodh në votim dhe u miratua nga shumica e anëtarëve të pranishëm. Buxheti i miratuar parasheh mjete financiare për funksionimin e institucioneve komunale, investime kapitale, shërbime publike dhe projekte me interes për qytetarët.

Gjatë seancës u theksua rëndësia e planifikimit të qëndrueshëm buxhetor dhe orientimit të fondeve drejt nevojave prioritare të komunës.

Me miratimin e buxhetit për vitin 2026, komuna krijon bazën financiare për realizimin e planeve dhe projekteve të parapara për vitin e ardhshëm.