Tre të vdekur dhe 205 raste të reja me koronavirus brenda ditës në Kosovë
Instituti Kombëtar i Shëndetësisë Publike të Kosovës (IKSHPK), ka publikuar bilancin ditor të viktimave dhe rasteve të reja me koronavirus në vend.
Instituti Kombëtar i Shëndetësië Publike të Kosovës (IKSHPK), ka bërë të ditur se gjatë 24 orëve të fundit kanë vdekur tre persona me koronavirus duke e çuar në 666 numrin e përgjithshëm të viktimave, shkruan lajmi.net.
Po ashtu gjatë 24 orëve të fundit janë regjistruar dhe janë regjistruar edhe 205 raste të reja dhe numri i përgjithshëm i të infektuarve ka arritur në 18 mijë e 148
Sipas IKSHPK-së, po ashtu gjatë 24 orëve të fundit janë shëruar edhe 62 persona dhe numri i përgjithshëm ka arritur në 15 mijë e 150.
Njoftimi i plotë i IKSHPK-së, pa ndërhyrje:
62 TË SHËRUAR DHE 205 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 943 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 205 raste pozitive. Brenda 24 orëve janë raportuar tre raste të vdekjes me SARS CoV-2 pozitiv (1 rast Spitali i Përgjithshëm Pejë, Spitali i Përgjithshëm Prizren dhe Spitali i Përgjithshëm Gjakovë).
Numri total i rasteve pozitive është 18.148 raste nga 88.090 persona të dyshimtë në virusin SARS-CoV-2 dhe 666 raste të vdekjes.
Gjatë 24 orëve të fundit, janë shëruar 62 pacientë derisa numri i përgjithshëm i të shëruarve deri më sot është gjithsej 15.150 raste, kurse numri i rasteve aktive është 2.332.
Rastet pozitive janë nga komuna Prishtinë 111 raste, komuna Gjilan 18 raste, komuna Gjakovë 13 raste, komuna Ferizaj 10 raste, komuna Pejë 10 raste, komuna Fushë Kosovë 6 raste, komuna e Lipjan 6 raste, komuna Obiliq 6 raste, komuna Kllokot 4 raste, komuna Prizren 4 raste, komuna Viti 3 raste, komuna Deçan 2 raste, komuna Drenas 2 raste, komuna Malishevë 2 raste, komuna Podujevë 2 raste, komuna Shtime 2 raste dhe me nga një rast komunat Graçanicë, Kamenicë, Rahovec dhe Skenderaj.
