Shqipëria sot heq të gjitha kufizimet anti-Covid për udhëtarët

Nga sot, Shqipëria heq të gjitha kufizimet anti-Covid për udhëtarët që hyjnë brenda territorit të saj.

Të gjithë udhëtarët që udhëtojnë drejt Shqipërisë nga çdo pikë kufitare nuk do të jenë më të detyruar të paraqesin dokumentin e vaksinës, dokumentin e testimit për SARS Cov2, dhe certifikatat e shërimit, raportoi “Euronews Albania”.

Vendimi u mor nga Komiteti i Ekspertëve në mbledhjen e disa ditëve më parë, ku u vendos gjithashtu heqja e detyrimit për mbajtjen e maskës, lejimi i muzikës pas orës 23:00 dhe rihapja e klubeve të natës.

Ndërkohë, për të hyrë në Kosovë shtetasit shqiptarë duhet ende të paraqesin certifikatën e vaksinimit me dy doza.