Ramadani: Gent Cakaj do mbetet “Qytetar nderi” i Bujanocit

Kryetari i Kuvendit komunal të Bujanocit, Enver Ramadani, ka reaguar pas refuzimit të Ministres për Administratë shtetërore dhe vetëadminitrsim lokokal, Marija Obradoviq, që të shpall qytetar nderi, Ministrin e Punëve të Jashtme dhe Europë, të Republikës së Shqiprisë, Gent Cakaj.

“Ministri për Evropë dhe Punë të Jashtme i Republikës së Shqipërisë, z. Gent Cakaj, do të mbetet “Qytetar nderi” i Komunës së Bujanocit pavarësisht vendimit të Ministres së Administratës dhe Vetadministrimit lokal znj. Obradoviq për mosdhënien e pëlqimit kundrejt propozimit të 26 këshilltarëve të Kuvendit Komunal” – ka shkruar Ramadani.

Ai për më shumë, ka theksuar se, “arsyetimi i Ministres Obradoviq për mos dhënien e pëlqimit ndaj propozim vendimit për shpalljen e “Qytetar nderi” z. Gent Cakaj, nuk flasin për të apo për komunën e Bujanocit, por pikërisht për vetë ministren dhe karakterin e qeverisë që i takon ajo”.

“Ashtu si edhe shumë të tjerë, që kanë probleme të përballen me të vërtetën e ngjarjeve qoftë në Luginë e qoftë në Kosovë, jetojnë në iluzionet e refuzimit të së vërtetës. Ky realitet alternativë as nuk përfaqëson të vërtetën e fakteve e as nuk shpien drejt së drejtës tranzicionale e arritjes së paqes së qëndrueshme në këtë copë të Ballkanit Perëndimor” – ka shkruar ndër të tjera Ramadani.

Më poshtë, mundë ta lexoni të plotë reagimin e Enver Ramadanit, kryetar i Asamblesë komunale të Bujanocit:

Zotëri Gent Cakaj do mbetet “Qytetar nderi” i Bujanocit

Ministri për Evropë dhe Punë të Jashtme i Republikës së Shqipërisë, z. Gent Cakaj, do të mbetet “Qytetar nderi” i Komunës së Bujanocit pavarësisht vendimit të Ministres së Administratës dhe Vetadministrimit lokal znj. Obradoviq për mosdhënien e pëlqimit kundrejt propozimit të 26 këshilltarëve të Kuvendit Komunal.

Angazhimet e Ministrit Cakaj kanë nderuar secilin nga qytetarët e Komunës së Bujanocit pa dallim feje, race dhe etnie.

Kontributi jashtëzakonisht i çmueshëm në demokratizim e politika proaktive e proevropiane Ministri Cakaj vazhdon të jetë shembull i krijimit të hapësirave të komunikimit dhe bashkërendimit.

Arsyetimi i Ministres znj. Obradoviq për mos dhënien e pëlqimit ndaj propozim vendimit për shpalljen e “Qytetar nderi” z. Gent Cakaj, nuk flasin për të apo për komunën e Bujanocit, por pikërisht për vetë ministren dhe karakterin e qeverisë që i takon ajo.

Ashtu si edhe shumë të tjerë, që kanë probleme të përballen me të vërtetën e ngjarjeve qoftë në Luginë e qoftë në Kosovë, jetojnë në iluzionet e refuzimit të së vërtetës.

Ky realitet alternativë as nuk përfaqëson të vërtetën e fakteve e as nuk shpien drejt së drejtës tranzicionale e arritjes së paqes së qëndrueshme në këtë copë të Ballkanit Perëndimor.

I dashur mik i vyeshëm i Komunës së Bujanoc z. Gent Cakaj, Komuna e Bujanocit të ka shpallur qytetar nderi pavarësisht refuzimit të ministres znj. Obradoviq për mos dhënien e pëlqimit.

Miku ynë Gent, ne të mbajmë të nderuar ashtu siç e do zakoni.