Pas Trump, kryeministri i Izraelit nominohet për Çmimin Nobel për Paqe
Kryeministrin i Izraelit, Benjamin Netanyahu është nominuar për Çmimin Nobel për Paqe.
Nominimi është bërë nga politikani italian, Paolo Grimoldi, i partisë së ekstremit të djathtë të Lidhjes Veriore, pas nënshkrimit të marrëveshjes historike të Izraelit me fqinjët e Gjirit – Bahrejn dhe Emiratet e Bashkuara Arabe.
Grimoldi e nominoi Netanyahun për çmimin Nobel-in e Paqes për arritjet e fundit diplomatike. Ndër arritjet, përmendet edheë nënshkrimi i djeshëm i marrëveshjes Abraham në Shtëpinë e Bardhë.
Kujtojmë se javën e kaluar, politikani norvegjez Christian Tybring njoftoi se kishte nominuar presidentin e SHBA-së, Donald Trump për Çmimin Nobel të Paqes.
Nga ana tjetër deputeti suedez Magnus Jacobsson nominoi qeverinë e SHBA-ve, Kosovës dhe Serbisë për çmimin Nobel për Paqe pas nënshkrimit të marrëveshjes së 4 Shtatorit.
