“Pandora Papers”: Zbulohen pasuritë sekrete dhe marrëveshjet e liderëve botërorë

Pasuria dhe marrëveshjet e fshehta të udhëheqësve botërorë, politikanëve dhe miliarderëve janë ekspozuar në një nga rrjedhjet më të mëdha të dokumenteve financiare të viteve të fundit.

Rreth 35 udhëheqës të tanishëm dhe të mëparshëm dhe më shumë se 300 zyrtarë publikë janë paraqitur në dosjet nga kompanitë offshore të quajtura ‘Pandora Papers’.

Rezultatet e hetimit, i cili zgjati gati dy vjet, janë fryt i punës së mbi 600 gazetarëve investigativë nga 150 gazeta ndërkombëtare.

Ato zbulojnë se Mbreti i Jordanit grumbulloi fshehurazi 70 milionë paund të pronës së Mbretërisë së Bashkuar dhe SHBA.

Në dokumentet sekrete tregohet gjithashtu se si ish-kryeministri britanik Tony Blair dhe gruaja e tij kursyen 312.000 paund në tarifë kur blenë një zyrë në Londër.

Çifti bleu një kompani offshore që zotëronte ndërtesën.

Informacionet e rrjedhura lidhin gjithashtu presidentin rus Vladimir Putin me asetet sekrete në Monako, dhe tregojnë se kryeministri çek Andrej Babis, i cili këtë javë përballet me zgjedhjet, nuk arriti të deklarojë një kompani investimesh offshore e përdorur për të blerë dy vila për 12 milionë£ në jug të Francës.

Kjo është e fundit në një sërë rrjedhjesh të dokumenteve sekrete gjatë shtatë viteve të fundit, pas ‘FinCen Files’, ‘Paradise Papers’, ‘Panama Papers’ dhe ‘LuxLeaks’./alsatm