Nëse e keni kaluar COVID-19, ju rekomandojmë ta lexoni këtë shkrim

Nëse jeni shëruar nga COVID-19, mund të mos keni nevojë të hyni në karantinë ose të testoheni sërish deri në tre muaj, sipas udhëzimeve të fundit të Qendrës së Kontrollit dhe Sëmundjeve Infektive të SHBA-së.

Në lidhje me kush duhet të karantinohet, udhëzimet thonë se “njerëzit që kanë rezultuar pozitiv me COVID-19, nuk kanë nevojë të karantinohen ose të testohen sërish brenda tre muajve, për aq kohë sa ata nuk shfaqin përsëri simptoma”.

Njerëzit që shfaqin sërish simptoma pas tre muajve nga periudha e tyre e parë e COVID-19, sërish do të duhet të testohen nëse nuk kanë ndonjë shkak tjetër të identifikuar për simptomat e tyre”, shkruan më tutje në udhëzim, transmeton Telegrafi.

Zëdhënësi i CDC-it konfirmoi për CNN-in se një faqe në internet e agjencisë ” u përditësua së fundi me informacionet e reja gjatë javës së kaluar”.

Ndryshe, kujtojmë se antitrupat janë proteinat që trupi i bën për të luftuar infeksionin që ka marrë mijëra jetë njerëzish.