Në fund të sezonit, dobësohet leku në Shqipëri

Kur është afruar fundi i sezonit turistik, në Shqipëri leku ka pësuar rënie të vlerës në krahasim me valutat tjera. Përderisa shumicën e sezonit 100 lekë shiteshin për një euro, tashmë një euro mund t’i blejë 110 lekë, apo 10 për qind më shumë se vetëm një muaj më parë.

Siç tregon edhe grafikoni historik i konvertuesit të monedhave në “Forbes”, ditët e fundit të gushtit regjistrojnë vlerën më të fortë të euros dhe valutave të tjera kundrejt lekut.

Në mes të qershorit, në një përllogaritje të thjeshtë duke marrë si shembull ndryshimin e vlerës së lekut ndaj euros dhe inflacionin prej rreth pesë për qind, pushimet dolën të ishin rreth 20 për qind më shtrenjtë në krahasim me një vit më herët. Në shifra, pushimet që kushtonin 500 euro një vit më herët, sivjet kushtuan rreth 600 euro.