Nasim Haradinaj: Ibrahim Rugova ishte një tradhtar
Nënkryetari i Organizatës së Veteranëve të Luftës të Ushtrisë Çlirimtare të Kosovës (OVL e UÇK), Nasim Haradinaj, e ka quajtur ish-presidentin e Kosovës, Ibrahim Rugovën tradhtar, transmeton GM.
Me anë të një lidhje telefonike në T7, Haradinaj me tone të nervozuara e ka shpallur Rugovën publikisht tradhtar, pasi që ky i fundit sipas Haradinajt, kishte kërkuar që të ndalen bombardimet e NATO’së.
“Rugova është tradhtar që ka shku në Beograd për me i ndal bombardimet”, ka thënë Haradinaj.
“Po përdoren vrasjet politike për poena politik. Do Zoti të zbulohen këto vrasje, por zbulohen edhe vrasjeve e djemve të UÇK’së. Kush po punon për këto vrasje të djemve të UÇK’së. Gjykata nuk merret me këto gjëra njerëzit duhet ta kuptojnë. LDK ka dalë me dokumenta për këto gjëra. Është e drejtë morale e shoqërisë që të zbulohen krimet por jo të cilësohen si vrasje politike. Nuk kanë luajtur rol të madh partitë politike atë kohë. Shumë po përdoret për politikë kjo. Ka mundësi që të kenë ndodhur edhe nga soji i vet”, u shpreh Haradinaj.
