Mustafa: Opozita të formojë pushtetin e ri lokal në Preshevë

Edhe kryetari i PDSH-së, Ragmi Mustafa është deklaruar kundër bashkëpunimit me APN-në e Shqiprim Arifit duke deklaruar se partitë opozitare (PDSH, PVD dhe LR) duhet ta formojnë koalicionin qeverisës në Preshevë.

Postimi i plotë i Ragmi Mustafës

Të dashur anëtar e simpatizues të Partisë Demokratike Shqiptare, zgjedhjet lokale tanimë kanë mbaruar. Jemi në pritje të rezultateve preliminare nga KKZ. Megjithëate partia ka siguruar rezultatet e zgjedhjeve nga anëtarët e saj të këshillave të votimit. Jemi të radhitur në vendin e dytë.
Prandaj, falënderimet u takojnë gjithë atyre që dhanë kontribut në këtë rezultat edhe pse më të fuqishëm e kemi pritur.
Nga ana tjetër, rezultati i përgjithshëm i zgjedhjeve ofron më shumë mundësi të formimit të Pushtetit Lokal.
Nëse në vitin 2016 janë thyer rregullat e demokracisë kur PDSH ishte e para dhe shkoi në opozitë, atëher është krijuar mundësia që edhe kësaj radhe të ndodhë. Një prej mundësive është që këtë pushtet aktual në formën e organit të përkohshëm t’a nisim për opozitë dhe t’a çlirojmë Preshevën.
Këtë do e synoj përfundimish PDSH.
Urime dhe fat e suksese në vazhdimsi.
Fushata mbaroi,por politika po fillon, e këtë do të dijmë t’a bëjmë.
#falemderit të madhe gjithë votuesve të PDSH-së
#autokton e krenar, RM