Kush ishte shqiptari që themeloi jetën islame në Zelandën e Re

Në Zelandën e Re u shënua këtë të premte një prej akteve më të rënda, ku gjatë sulmit ndaj dy xhamive u ekzekutuan afro 50 besimtarë.

Dhe ekziston një koinçidencë në faktin se njeriu ka ngritur e themeluar të parën xhami në Zelandën e Re është një shqiptar.

Fjala është për prishtinaliun Mazhar Krasniqi (me kostum). Ai mbërriti në Zelandën e Re në vitin 1950, i përzënë nga ish-regjimi komunist jugosllav, për ta ndërtuar aty jetën e tij, ku bashkëshoqërues pati thirrjen islame.

Ishte pikërisht ai që udhëhoqi bashkësinë muslimane të Zelandës së re në vitet ‘70 – ’80, duke qenë dy herë presidenti i saj. Ndërkohë, ishte dhe posedues i një restoranti me famë të quajtur “Shqipëria”.

Përhapja e Islamit në Zelandën e Re, i dedikohet pikërisht Mazhar Krasniqit.