Kurti pret në takim anëtarin e Bordit Këshillimor të Nivelit të Lartë të OKB-së

Kryetari i Lëvizjes Vetëvendosje, Albin Kurti, ka pritur në takim anëtarin e Bordit Këshillimor të Nivelit të Lartë për Ndërmjetësim pranë Sekretarit të Përgjithshëm të OKB’së, Jean-Marie Guehenno.

Së bashku me Kurtin në këtë takim ishte e pranishme edhe anëtarja e kryesisë së VV-së, Fitore Pacolli.

Sipas njoftimit të VV-së, Guéhenno e uroi Kurtit për procesin dhe rezultatin zgjedhor, ndërsa ka shprehur interesimin për ecurinë e bisedimeve rreth formimit të institucioneve të reja të Kosovës, dhe për prioritetet e qeverisë së re, pjesën që ka të bëjë me dialogun me Serbinë për të cilën edhe tha se do ta ofroj mbështetjen përbrenda qasjes që do e ndërtoj qeveria e re e vendit.