Kurti insiston se Kosova duhet të shkojë në zgjedhje

Kryeministri në detyrë, Albin Kurti vazhdon të insistojë se shteti i Kosovës duhet të shkojë në zgjedhje dhe sipas tij, ngërçi institucional shfaqet vetëm kur përjashtohet ky proces.

Ai përmes një statusi në Facebook ka thënë se zgjedhjet po mbahen anembanë Evropës.

“Ngërç institucional? Nuk është e vërtetë. Mospajtime ka, por edhe zgjidhje ka. Në përputhje me Kushtetutën tonë nevojiten zgjedhje të reja. Ato tashmë po mbahen anembanë Evropës. Pas shëndetit të popullsisë dhe ekonomisë, është në pyetje edhe shëndeti i demokracisë. Zgjedhje do të ketë në qershor në Islandë, Francë dhe Serbi, kurse në korrik në Maqedoninë e Veriut, Spanjë dhe Kroaci. Duhet të kemi zgjedhje edhe në Kosovë e aso lokale në Podujevë. Madje, mundet edhe njëkohësisht”, ka shkruar Kurti në Facebook.