Kosovare Asllani me tregolëshin e saj thyen rekordin e Ronaldos
“Hat-trick” në 155 sekonda! Ylli i Real Madridit, Kosovare Asllani ka shkruar historinë e klubit me tre golat e saj kundër Valencias, duke tejkaluar kështu edhe Cristiano Ronaldon e madh, shkruajnë mediat spanjolle dhe botërore.
Shqiptaro-suedezja shënoi tre golat e saj brenda 155 sekondave – një rekord klubi!
Asllani në këtë mënyrë kaloi në mënyrë të qartë rekordin e mëparshëm të Ronaldos, i cili tani luan për Juventusin e Torinos, trasnmeton albinfo.ch. Ronaldos i ishin dashur tetë minuta për të shënuar hat-trick-un e tij në fitoren 9-1 kundër Granadës, në vitin 2015.
31-vjeçarja e bëri tri herë publikun e Realit të brohoriste kundër Valencia në minutat 67, 68 dhe 70.
