Komuna e Preshevës bën thirrje për ndihmë në shuarjen e zjarreve

Komuna e Preshevës ka bërë apel urgjent për qytetarët, duke iu drejtuar veçanërisht banorëve të fshatrave Corroticë, Rahovic dhe Lezbali. Autoritetet kërkojnë që banorët të dalin sa më shpejt për të ndihmuar në shuarjen e zjarreve që kanë përfshirë zonën.

Zjarri po kërcënon pronat dhe mjedisin lokal, prandaj bashkëpunimi i të gjithë qytetarëve është i domosdoshëm për të parandaluar dëme më të mëdha.

Komuna dhe Shtabi për Situata të Jashtëzakonshme kërkojnë që qytetarët të jenë të kujdesshëm dhe të ndjekin me përpikëri udhëzimet për sigurinë.

Komuna e Preshevës – Shtabi për Situata të Jashtëzakonshme

Enver Aliu