Kaos në varrim – 30 të vdekur në ceremoninë për gjeneralin iranian

Së paku 30 persona kanë vdekur nga kaosi i krijuar në ceremoninë e varrimit të gjeneralit, Kasem Soleimani në qytetin Kerman të Iranit.

Më shumë se 40 të tjerë janë lënduar në këtë incident. Gjenerali Soleimani që u vra nga një sulm me dron amerikan, është varrosur në vendlindjen e tij dhe sipas raportimeve mbi një milion njerëz po marrin pjesë në ceremoninë e varrimit të tij, raporton KTV.

Soleimani konsiderohej si njeriu i dytë më i fuqishëm në Iran, pas liderit suprem, Khamenei.

SHBA-ja e shihte si terrorist dhe kërcënim për ushtrinë amerikane.