Grenelli pritet nga Meta në Tiranë
Ish-Emisari i SHBA-së për dialogun në mes të Kosovës dhe Serbisë, Richard Grenell është pritur në Tiranë nga Presidenti i Shqipërisë, Ilir Meta.
Meta e ka falënderuar atë për angazhimin në forcimin e marrëdhënieve në mes të Shqipërisë dhe SHBA-ve.
“Është gjithmonë kënaqësi ta kesh në zyrë në Shqipëri, Richard Grenell. Angazhimi dhe mbështetja për forcimin e mëtejmë të marrëdhënieve dhe bashkëpunimit në mes të Shqipërisë dhe SHBA-së është për mirënjohje të thellë”, është shprehur Meta.
Meta pret Grenellin në zyrë një ditë pasi që analisti politik serb, Dushan Janjiq, tha se Serbia e paguan atë nga 100 mijë dollarë në muaj për fushatë, gjë të cilën ai e mohoi më pastaj.
