Futbollisti që e la Serbinë për Kosovën, ftohet për ndeshjen me Anglinë
Në maj të këtij viti futbollisti Arton Zekaj e la përfundimisht Kombëtaren e Serbisë për të veshur fanellën e Kosovës.
19 vjeçari kishte munguar në ndeshjet e qershorit kundër Andorrës dhe Turqisë për shkak të lëndimit.
Por tani ai pritet të debutoj me Kosovën U21 që në ndeshjen e ardhshme kundër Anglisë, që zhvillohet me 9 shtator.
“Lista do të publikohet të hënën. Do të ketë edhe risi me lojtarë që nuk kanë qenë të grumbulluar më herët. Artoni është njëri prej tyre” deklaroi për Indeksonline menaxheri i Kosovës U21, Zgjim Sojeva.
