Eriksen i befasuar: Do t’i them Anglisë të ketë kujdes ndaj Kosovës

Ylli i Kombëtares së Danimarkës, Christian Eriksen është shprehur i befasuar me paraqitjen e Kosovës në miqësoren e sotme.

“Ne kemi pritur që do të kemi ndeshje më të lehtë, por nuk doli ashtu”, ka thënë Erisen pas ndeshjes.

Ai ka shtuar se Kosova ka futbollistë të mirë dhe do të jetë rivale e fortë për të gjitha kombëtaret tjera. “E kemi ditur se Kosova ka futbollistë të mirë dhe u pa se do të jetë rivale e fortë për të gjithë.

Është vështirë të kualifikohesh në një Kampionat Botëror ose Evropian, por të gjithë ata që vijnë këtu për të luajtur”, është shprehur anëtari i Tottenhamit, duke shtuar se do t’u tregojë anglezëve se i pret punë e vështirë në përballjet me Kosovën në ndeshjet për kualifikimet e Evropianit 2020.