BE-ja dhe SHBA-ja përjashtojnë bankat
ruse nga sistemi SWIFT

BE, Franca, Gjermania, Italia, Mbretëria e Bashkuar, Kanadaja dhe Shtetet e Bashkuara sapo kanë lëshuar një deklaratë të përbashkët që dënon pushtimin rus.

“Ndërsa forcat ruse sulmojnë Kievin dhe qytetet e tjera të Ukrainës, ne jemi të vendosur të vazhdojmë t’i imponojmë Rusisë kosto që do ta izolojnë më tej Rusinë nga sistemi financiar ndërkombëtar dhe nga ekonomitë tona,” kanë deklaruar këto vende, shkruan BBC, transmeton Gazeta Sinjali.

Masat që do të zbatohen në ditët në vijim përfshijnë heqjen e “bankave të zgjedhura ruse nga sistemi i mesazheve SWIFT“.

“Kjo do të sigurojë që këto banka të shkëputen nga sistemi financiar ndërkombëtar dhe të dëmtojë aftësinë e tyre për të operuar globalisht.”