Bayern Mynih kampion i Gjermanisë: Dortmundit nuk i mjafton fitorja

90 minutat që vendosnin titullin kampion në Gjermani kanë patur edhe dramën brenda, por që gjithësesi nuk e pengoi Bayern Mynich të shpallet kampion i Gjermanisë, me dy pikë përpara Borussia Dortmund. Bavarezët kanë shkatërruar 5-1 Eintracht Frankfurtit, duke arritur të parët finishin për të shtatin sezon radhazi.
Titulli i 29 në histori për Bayern, që u fut në sfidën përballë Frankfurt me dy rezultate në lojë sepse edhe barazimi do ta nxirrte përpara Dortmund, pavarësisht fitores së Borussia kundër Monchengladbach. E megjithatë një start i frikshëm, me golin e Kingsley Coman, pas vetëm katër minutash, tregoi llojin e ndeshjes me të cilin Frankfurt duhej të mësohej në Allianz Arena.
Në anën tjetër, Dortmund nuk dëshironte të linte peshën e fajit tek vetja, por edhe për të vendosur Bayern nën presion. Goli i minutës së 45 nga Sancho e nëntë minuta pas rifillimit nga Reus e bënë të qartë se skuadra e Kovac nuk mund të humbiste.