Banda e serbëve vodhën diamantin më të rrallë në botë?

Hetuesit holandezë janë në kërkim intensiv të pesë të dyshuarve, të cilët sulmuan të maskuar në panairin e artit dhe antikave TEFAF, kryen një grabitje të armatosur dhe morën një diamant special të verdhë dhe të gjitha dyshimet bien mbi “Panterat Rozë” nga Ballkani, raporton RTLnieuws. .

Grabitja e armatosur ndodhi në orët e para të 29 qershorit në panairin e artit TEFAF në MECC në Mastriht.

Nga grabitja nuk u lëndua askush, por u vodhën bizhuteri, një diamant i verdhë, i vetmi i këtij lloji në botë. Jemi në kërkim të të paktën pesë të arratisurve dhe ka bashkëpunim të ngushtë me policinë belge dhe gjermane – tha policia lokale.

Ata kanë bërë një përshkrim të detajuar të kësaj grabitjeje dhe kanë bërë të ditur se pas krimit kanë arrestuar dy persona të dyshimtë, por pas një interviste informative janë liruar.

-Menjëherë pas grabitjes, policia arrestoi dy persona, të rinj të moshës 22 dhe 26 vjeç, të dy nga Belgjika. Këta dy persona lëviznin me një mjet ngjyrë gri me numër belg, i cili u ndalua në A2 përballë tunelit Willem-Alexander në drejtim të jugut – thotë policia dhe shton:

Ata u sollën në mënyrë kaq të dyshimtë, saqë në atë kohë kishte arsye të mjaftueshme për t’i arrestuar me dyshimin e përfshirjes në grabitje. Megjithatë, ata janë liruar më 30 qershor dhe nuk janë më të dyshuar për këtë grabitje.

Kjo grabitje solli në këmbë gjithë Holandën dhe të gjithë po pyesin nëse hajdutët e diamanteve janë serbë.

– Dyshohet se janë “Panterat Rozë” nga Ballkani, dhe se ndoshta janë serbë, sepse janë më shumë se anëtarë të njohur të kësaj bande famëkeqe – shkruajnë mediat holandeze.

Hetuesit dolën më 4 korrik dhe publikuan foto dhe video të reja të grabitjes. Në foto duket qartë fytyrat e grabitësve, arratisja e tyre, si dhe imazhi i një anëtari të pestë të mundshëm të bandës.

• Një burrë i panjohur, meqë ra fjala, i dyshuari i pestë, ka blerë një biletë për katër grabitësit që të hyjnë në panair. Policia dyshon se syzet që kanë mbajtur grabitësit janë pjesë e maskimit të tyre – thonë mediat holandeze.