Ambasadori izraelit në Tiranë: Kosovën do t’a njohim në javët e ardhshme, hapim edhe ambasadë në Prishtinë

Ambasadori i Izraelit në Tiranë, Noah Gal Gendler ka folur për herë të parë pas marrëveshjes së firmosur në Shtëpinë e Bardhë mes Kosovës dhe Serbisë, ku Izraeli ishte një nga temat në marrëveshje.

“Çdo marrëveshje mes Kosovës dhe Serbisë është shumë pozitive, pasi mund të zgjidh probleme që ekzistojnë në Ballkan prej shumë vitesh. Ne e vlerësojmë dhe e mbështesim atë. Fakti që Izraeli është pjesë e saj është gjithashtu shumë e rëndësishme për ne, sepse të dy vendet, Kosova dhe Serbia, premtuan, ndoshta dhe firmosën që Ambasada e tyre do të vendoset në Jerusalem. Në rastin e Serbisë nga Tel Avivi në Jerusalem dhe në rastin e Kosovës do ta hap ambasadën e saj në Jerusalem dhe për ne është një zhvillim shumë i rëndësishëm”, ka thënë ai në një intervistë për Vizion Plus.

I pyetur se kur pritet të ndodh njohja mes Izraelit dhe Kosovës, ai theksoi se ajo duhet të ndodh në javët e ardhshme.

“Do të jetë afër, ky është opinioni im, por ende nuk ka një datë”.

I pyetur rreth asaj se nëse Ambasada e Tiranës mund të mbuloj dhe Kosovën deri në atë kohë, ai nuk e përjashton një opsion të tillë, madje e cilëson mesë të logjikshme.