Albin Kurti me parti i shkon Isa Mustafës në shtëpi

Edhe pse në të kaluarën, Albin Kurti kishte kritikuar partitë tjera se po bëjnë marrëveshje natën, një të tillë po mundohet që ta bëj sonte.

Siç mëson Indeksonline, Kurti me disa zyrtarë nga partia e tij i kanë shkuar në shtëpi Isa Mustafës për të negociuar.

Ende nuk dihet nëse LDK do të pranojë kërkesën e LVV-së, por partia e Kurtit po bën përpjekje që të arrij një marrëveshje.

Zyrtarisht, sërish përfaqësues të Lëvizjes Vetëvendosje sot kanë deklaruar se nuk do të lejojnë të dorëhiqet Glauk Konjufca nga pozita e kryeparlamentarit, kurse LDK-ja e kishte kushtëzuar vazhdimisht pozitën e kryeparlamentarit dhe presidentit, si dhe ndarje të barabartë të ministrive, si opsion për arritjen e marrëveshjes mes tyre.