Aksident në Tabanoc, lëndohen 21 persona

Dy shofer dhe 19 udhëtarë kanë mbetur të lënduar pas një aksidenti në mes një autobusi dhe një automobili në afërsi të pikës kufitare Tabanoc.

Sipas MPB-së aksidenti ka ndodhur mbrëmë në orën 21:50 në vendkalimin kufitar Tabanoc, para unazës për në Kriva Pallankë mes autobusit “krafter”me targa të Kumanovës i drejtuar nga N.A. (39) nga Kumanova dhe një automjeti motorik “BMW” me targa nacionale bullgare, i drejtuar nga N.M. (28) nga Kumanova.

Policia informon se 19 udhëtarët dhe shoferët kanë marrë lëndime të lehta, pas së cilës janë dërguar në Spitalin e përgjithshëm për ndihmë mjekësore.

Njësiti i SPB Kumanovë ka kryer ekspertizë në vendin e ngjarjes.