A do ta dëshmojnë shqiptarët e Luginës se janë mbi 150 mijë?! / Thirrje për regjistrim në Luginë 

NGA ARMIRA SHAQIRI

Shqiptarët në Serbi jetojnë kryesisht në Preshevë, Medvegjë e Bujanoc – komuna të njohura bashkërisht si Lugina e Preshevës.

Pas dy dekadash do të mund të dihet zyrtarisht për numrin e shqiptarëve të regjistruar në Serbi.

Edhe në Luginë të Preshevës më 1 tetor ka nisur procesi i regjistrimit të popullsisë në këtë vend dhe do të përfundojë më 31 të këtij muaji.

Të drejtë regjistrimi kanë të gjithë shqiptarët, që kanë lindur atje dhe për momentin jetojnë jashtë kufijve të Serbisë.

Kjo trevë shqiptare, për shkak të represionit, shtypjes dhe diskriminimit të gjatë jeton kryesisht në diasporë.

Ata janë duke punuar ose jetuar në Gjermani, Zvicër, e gjithandej Europës

Këtë herë, përfaqësuesit politikë të shqiptarëve, që jetojnë kryesisht në pjesën jugore të Serbisë, u kanë bërë thirrje atyre që të regjistrohen.