Zona Industriale – Faza e Parë: Intensifikohet koordinimi me UNOPS për zbatim cilësor të projektit

Në kuadër të bashkëpunimit me donatorin UNOPS, Komuna e Preshevës ka hyrë në një fazë të rëndësishme të koordinimit dhe menaxhimit të projektit për Zonën Industriale – Faza e Parë, duke vënë theks të veçantë në transparencë, cilësi dhe respektim të plotë të standardeve të përcaktuara.

Gjatë takimit të sotëm u diskutuan dhe u harmonizuan hapat finalë të zbatimit të projektit, me fokus në disa aspekte kyçe:

• Identiteti vizual: u dakordua standardizimi i logove të Komunës së Preshevës dhe UNOPS-it, në përputhje me udhëzimet dhe rregulloret zyrtare të dukshmërisë.
• Dukshmëria e projektit: u përzgjodhën lokacione strategjike për vendosjen e billboard-eve informuese, me qëllim informimin e qartë dhe transparent të publikut.
• Monitorimi i cilësisë: u theksua rëndësia e verifikimit të vazhdueshëm të punimeve, për të garantuar përputhshmërinë me kontratën dhe kërkesat teknike të projektit.

Komuna e Preshevës mbetet e përkushtuar në sigurimin e një zbatimi korrekt dhe cilësor të projekteve zhvillimore, duke synuar krijimin e kushteve të favorshme për zhvillim ekonomik dhe vlera të qëndrueshme për komunitetin lokal