Zyberaj: Soleimani ka qenë armik i Kosovës dhe mik i Serbisë!
Këshilltari i ministrit në detyrë të Punëve të Jashtme të Kosovës, Jetlir Zyberaj ka thënë se Gjenerali Qasem Soleimani që është vrarë nga forcat amerikane në Irak ishte aleat i ministrit serb, Ivica Daçiq.
Tutje Zyberaj ka shkruar në Facebook se Soleimani ka qenë armik i Kosovës dhe mik i Serbisë.
Sipas këshilltarit të Behgjet Pacollit, ai ka punuar me kontrabandistët e armëve të Daçiqit dhe të Serbisë.
Postimi i plotë i Zyberajt:
Trupat amerikane vranë sot aleatin e Ivica Daçiç dhe kontrabandistëvë të armëve serbe të tij në Iran.
Soleimani ka qenë armik i Kosovës dhe mik i Serbisë.
Ai ka punuar me kontrabandistët e armëve të Daçiçit dhe të Serbisë për të siguruar militantët në Irak me armë serbe dhe për të përdorur rrugët në Irak për të dërguar armë tek ISIS.
Ai përdori ndikimin e tij politik në Iran, Irak, Liban dhe Siri kundër Kosovës, për të votuar kundër Kosovës dhe për të kundërshtuar pavarësinë, me kërkesën e Ivica Daçiç.
Sot Ivica është me një mik më pak, dhe Kosova me një armik më pak.
