Vuçiq do të shpallë nesër emrin e mandatarit për përbërjen e qeverisë së re në Serbi

Presidenti i Serbisë, Aleksandar Vuçiq, nesër do ta shpallë emrin e përfaqësuesit për përbërjen e Qeverisë së re, raportojnë mediat e Beogradit.

Vuçiq ka deklaruar më herët se Partia Progresive Serbe (SNS) ka dy kandidatë për mandat dhe se njëri prej tyre është person jopartiak.

Gjatë javës së kaluar, Vuçiq zhvilloi konsultime për formimin e qeverisë së re me përfaqësues të SNS, Partisë Socialiste të Serbisë, Unionit të Hungarezëve të Vojvodinës, Partisë Ruse, Partisë për Drejtësi dhe Pajtim, Bashkimit Demokratik të Kroatëve në Vojvodinë dhe Ne – Zëri i Popullit.