Vucic: Me 99 për qind siguri mund të them se takim në Paris s’do të ketë

June 20, 2019 admin

Kryetari i Serbisë Aleksandar Vucic ka thënë sot se “99 për qind është i sigurt” se takim në Paris nuk do të ketë sepse, sipas tij, shqiptarët nuk janë të gatshëm të bisedojmë “për agjë të rëndësishme”.

Vucic në televizionin serb “Pink” ka thënë se i duket sikur shqiptarët e Kosovës kanë dashur që në mënyrë të tërthortë t’u dërgojnë porosi gjermanëve e francezëve se evropianët nuk duhët ta zgjidhin problemin e Kosovës.

“Me 99 për qind siguri mund të them se takim në Paris nuk do të ketë”, ka thënë Vucic dhe ka vlerësuar se gjermanët e frabcezët “e kanë kuptuar mirë porosinë”, të cilën sipas tij ua ka dërguar porosinë, transmeton “Danas”.

Ndryshe, se nuk dihet ende sigurt nëse do ketë takim në Paris me 1 korrik, pas atij në Berlin i cili do duhej të rezultonte em vazhdim të dialogut ndërmjet Prishtinës dhe Beogradit, por që nuk ndodhi, pasi Prishtina nuk po pajtohet për ta shfuqizuar taksën ndaj Serbisë, tha edhe kryeministrja serbe, Ana Bërnabic.

“Kjo nuk është diçka që e thotë vetëm Beogradi, por këtë e thonë të gjithë partnerët ndërkombëtarë, Shtetet e Bashkuara, shtetet anëtare të BE’së “, tha për gazetarët Brnabić në Paris, pas takimit me homologun e tij francez Edouard Filipit.

Siç tha ajo, të gjithë në mënyrë të njëtrajtshme i bëjnë thirrje Prishtinës për të hequr taksat në mënyrë që të vazhdojë dialogu.

“Nëse Prishtina absolutisht nuk dëshiron të shfuqizojë taksën, atëherë unë nuk e shoh arsyen për mbajtjen e takimit”, tha kryeministri.