Vjosa Osmani – Sadriu nusja e Preshevës zgjedhet presidente e Kosovës

Deputetët e Kuvendit të Kosovës, e kanë zgjedhur Vjosa Osmanin Presidente të Republikës së Kosovës, për një mandat të plotë.

Me këtë rast, ata u janë shmangur zgjedhjeve të jashtëzakonshme, duke qenë që në raundin e tretë dhe të fundit, shumica e pranishme ia siguroi kandidates Osmani votat e mjaftueshme për t’u emëruar presidente.

82 deputetë kanë marrë pjesë në raundin e tretë, të pavlefshme kanë qenë 11 vota, 71 pro. Pra Vjosa Osmani tashmë është zgjedhur Presidente e Republikës së Kosovës, për një mandat pesë vjeçar.

Kujtojmë që znj.Osmani është e martuar me Prindon Sadriun nga Presheva.