Veseli thotë se “miqtë e mi, Samiu dhe Remi, do ta mbrojnë luftën e shenjtë të UÇK-së”
Veseli thotë se “miqtë e mi, Samiu dhe Remi, do ta mbrojnë luftën e shenjtë të UÇK-së”
Foto: Koha / ilustrim
Veseli thotë se “miqtë e mi, Samiu dhe Remi, do ta mbrojnë luftën e shenjtë të UÇK-së”
13 janar 2019 15:45
Kryetari i Kuvendit të Kosovës, Kadri Veseli, është deklaruar në lidhje me nisjen e punës së Gjykatës Speciale në ditën kur dy ish-komandantët e UÇK-së, Rrustem Mustafa Remi e Sami Lushtaku veçse u nisën për në Hagë për intervistim.
Veseli thotë se për luftën e UÇK-së ekziston vetëm një e vërtetë, se ka qenë luftë e drejtë në qëllim dhe veprime.
“Ka veç një të vërtetë për luftën e Ushtrisë Çlirimtare të Kosovës: luftë e drejtë në qëllim dhe veprime. Prandaj, nga sfida e Gjykatës Speciale do të dalim faqebardhë”, tha Veseli në një postim në Facebook.
“Kjo e vërtetë, kjo luftë e shenjtë do të mbrohet edhe nga miqtë e mi, bashkëluftëtarët, Samiu dhe Remi, por edhe nga cilido pjesëtar i UÇK-së që do të kërkohet”, deklaroi Veseli.
