Ushtria izraelite plagos së paku 60 palestinezë, protestat vazhdojnë
Protestat e quajtura “Marshi i Kthimit të Madh”, të cilat palestinezët i organizojnë përgjatë kufirit me Gazën, kanë vazhduar edhe këtë fundjavë. Gjatë intervenimit të ushtarëve izraelitë në protestat paqësore u plagosën 60 persona.
Ministria palestineze e Shëndetësisë, konfirmoi se ushtarët izraelitë kanë hapur zjarr gjatë protestave duke plagosur të paktën 60 palestinezë, nga të cilët 15 fëmijë dhe 4 gra.
Përndryshe, palestinezët, që nga 30 marsi i vitit të kaluar, në kufirin e Rripit të Gazës me Izraelin organizojnë protesta paqësore.
Protestuesit kërkojnë kthimin në territoret nga të cilat janë dëbuar si dhe heqjen e bllokadës ndaj Gazës të vendosur në vitin 2006.
