Turqia e quan ‘të dështuar’ planin e Trump për paqe në Lindjen e Mesme: Njerëzit dhe toka e Palestinës nuk janë në shitje
Turqia të martën kundërshtoi planin e paqes nga Donald Trump për Lindjen e Mesme, duke thënë se njerëzit dhe toka e Palestinës nuk ishin në shitje.
Në një deklaratë zyrtare, e cila erdhi pas konferencës për shtyp të Presidentit amerikan Donald Trump në Shtëpinë e Bardhë, ku ai ndau detaje të të ashtuquajturës “marrëveshje të shekullit”, ministria tha se marrëveshja ishte ”e dështuar”.
“Ky është një plan aneksimi që synon të uzurpojë tokat palestineze dhe të vret zgjidhjen e dy shteteve,” tha ministria, duke shtuar se njerëzit dhe tokat palestineze nuk mund të blihen.
Duke theksuar se Jeruzalemi ishte një vijë e kuqe në sytë e Turqisë, deklarata thoshte që Ankaraja nuk do ta linte Izraelin të justifikonte okupimin dhe përndjekjen e saj.
“Ne do të qëndrojmë gjithmonë pranë popullit vëllazëror të Palestinës. Ne do të vazhdojmë të punojmë për një Palestinë të pavarur brenda tokave palestineze.”
Deklarata arriti në përfundimin se Turqia nuk do të mbështeste asnjë plan që nuk pranohet nga autoritetet palestineze, duke shtuar se paqja në Lindjen e Mesme nuk do të merret nëse politikat e bazuara në okupim nuk do të përfundonin.
Të martën, Trump lëshoi planin e tij të vonuar për të përfunduar mosmarrëveshjen Izrael-Palestinë në Shtëpinë e Bardhë ku ishte i pranishëm kryeministri izraelit Benjamin Netanyahu, ndërsa autoritetet palestineze nuk ishin të përfaqësuar. Gjatë konferencës për shtyp, Trump e përmendi Jeruzalemin si “kryeqytetin e pandarë të Izraelit”.
