Trump paraqet kandidaturën për mandatin e dytë
Florida, 18 qershor – Presidenti amerikan, Donald Trump do të bëjë të ditur kandidaturën e tij për një mandat të dytë katërvjeçar në krye të Shtëpisë së Bardhë, gjatë një mitingu në Florida.
Takimi për shpalljen e rikandidimit të Trump, për presidencialet 2020, do të zhvillohet në Amway Center, me një kapacitet prej 20 000 vendesh.
”Fillojmë në orën 20:00”, sipas lajmërimit të Trump në Twitter, i cili thekson se kishte një kërkesë të madhe për bileta.
”Miting i madh në Orlando, Florida, duket të jetë rekord. Po vendosim ekrane të mëdha kinemaje jashtë për t’u kujdesur për të gjithë personat”, shkroi Trump në Twitter/DPA.
