Sinani: Shkolla Fillore “Abdulla Krashnica” – Model i ekselencës në teknologjinë digjitale

Kryetarja e komunës, Ardita Sinani ka pritur në kabinet tri delegacione nga shkolla fillore të Stambollit, të cilat vizituan shkollën “Abdulla Krashnica” në Miratoc përmes programit Erasmus+.

“Kjo shkollë, me përdorimin inovativ të teknologjisë digjitale dhe tabelave interaktive, është shembull i shkëlqyer për Preshevën dhe rajonin.

Gjatë takimit diskutuam mundësitë për të forcuar bashkëpunimin me shkollat turke, duke ndërtuar ura të reja partneriteti.

Krenare për këtë institucion që po i vendos standarde të reja arsimit në komunën tonë!” ka deklaruar Ardita Sinani