Shqiprim Arifi: Nuk do të ketë abuzime me pronën publike për interesa personale

Pushteti lokal mbron hapësirat publike të uzurpuara nga individ apo grup qytetarësh.

Asnjë qytetar nuk mund të abuzojë me pronën publike për interesa personale por hapësirat publike duhet të mbrohen dhe rrespektohen ka thënë në konferencën për media, kryetari i komunës së Preshevës, Shqiprim Arifi.

Arifi këto komente i bërë sot pas mbledhjes së këshillit komunal ku u aprovua raporti financiarë për vitin 2018 dhe 2019 i Shtëpisë së Kulturës, Revidimi i strategjisë për zhvillimin e komunës sonë dhe të tjera.

Arifi ka folur për lirimin e hapësirave publike ku ka potencuar se heqja e panosë në qendër është bërë në bazë të procedurave ligjore përkundër asaj që Isuf Mehmeti nuk dallon interesin e tijë privat nga ai publik.

Të gjithë ata që uzuropojnë hapësirat pubike duke vendosur panoja apo bllokuar trotuaret e këmbësorëve pa leje të administratës komunale do të kenë fatin e njejtë të zotit Mehmeti, ka thënë kryetari Arifi.